ބޮޑު މަޝްހޫރު ކަމެއް ހޯދި ސްރީ ލަންކާގެ ލަވަކިޔުންތެރިޔާ ޔޮހާނީގެ "މަނިކެ މަގޭ ހިތޭ"ގެ ހިންދީ ވާޝަން ނޯރާ ފަތޭހީ އާއެކު ދައްކާލައިފިއެވެ.
އިންޑިއާގެ ރަހަތައް ވެސް ހެޔޮވަރުކޮށްގެން ގެނެސްދިން މި ލަވަ އަކީ އަންނަ މަހު ރިލީޒްކުރަން ހަމަޖެހިފައިވާ ފިލްމު "ތޭންކް ގޯޑް" ގެ ހާއްސަ ލަވައެއްގެ ގޮތުގައި ފިލްމްގައި ހިމަނާފައިވާ ލަވައެކެވެ.
ލަވައިގަައި ފެނިގެންދަނީ ނޯރާ އާއި އެކުގައި ސިދާތު މަލްހޮތުރާއެވެ. "ތެންކް ގޯޑް" ގެ ލީޑުން ފެނިގެން ދާނީ އަޖޭ ދޭވްގަން އާއި ސިދާތުގެ އިތުރުން ރަކުލް ޕްރީތު ސިންގްއެވެ.
މުޅި ދުނިޔޭގައި ވެސް ބޮޑު މަގްބޫލުކަމެއް ލިބުނު އެ ލަވައިގެ ހިންދީ ވާޝަންގެ ލަވަކިޔާފައި ވަނީ ޔޮހާނީ އާއި ޖުބީން ނޮޓީޔާލްގެ އިތުރުން ސޫރިއާ ރަގޫނަތަން އެވެ.
މިއީ ސިދާތުގެ ފިލްމެއްގައި ހިމެނޭ ނޯރާގެ ދެވަނަ އައިޓަމް ސޯންގެވެ. ފުރަތަމަ ލަވަ އަކީ 2019 ގެ "މަރުޖާވާ" ގެ "އޭކް ތޮ ކަމް ޒިންދަގާނީ" އެވެ.
ޓީ ސީރީޒް ފިލްމްސް އާއި މަރުތީ އިންޓަނޭޝަނަލް ޕްރޮޑަކްޝަން އިން ނެރޭ ފިލްމު "ތޭންކް ގޯޑް" އަކީ އިންދަރް ކުމާރު ޑައިރެކްޓްކުރާ ފިލްމެކެވެ.
