ތ. ތިމަރަފުށީ އުމުރުން އެންމެ 29 އަހަރުގެ ޒުވާން ފިރިހެނަކު ކުއްލި ގޮތަކަށް ރޭ ނިޔާވެއްޖެއެވެ.
ކުއްލި ގޮތަކަށް ނިޔާވެފައި ވަނީ ތިމަރަފުށީ ކަށިމާގެ އުމުރުން 29 އަހަރުގެ އަހްމަދު ހުސާންއެވެ. ހުސާން ނިޔާވީ މެއަށް ތަދެއް އަރައިގެން ވޭމަންޑޫ ހޮސްޕިޓަލަށް ގެންގޮސް ފަރުވާ ދެމުން ދަނިކޮށެވެ.
އަހްމަދު ހުސާންއަކީ، ތިމަރަފުށި ކައުންސިލް އިދާރާގެ މުވައްޒަފެކެވެ. ތިމަރަފުށިން ވާހަކަ ދެއްކި ހުސާނުގެ ގާތް ރައްޓެއްސަކު ކިޔައިދިން ގޮތުގައި ތިމަރަފުށީ ހުސާނަކީ ޒުވާނުންނާއި ގާތް ގުޅުމެއް އޮންނަ، ގުޅިގެން މަސައްކަތްކުރާ ހީވާގި ޒުވާނެކެވެ.
ހުސާންގެ ކަށު ނަމާދު އޮތީ މިއަދު ހެނދުނު 09:00 ގައި ތިމަރަފުށީ މަސްޖިދު ހަސަން ހާޖީގައެވެ.
އުމުރުން އެންމެ 29 އަހަރުގެ ޒުވާނަކު ރޭ ކުއްލި ގޮތަކަށް ނިޔާވިއިރު، މި ފަހުން މި ފަދަ މަރުތައް ކޮންމެވެސް މިންވަރަކަށް ގިނަވެފައިވާކަން ފާހަގަ ކުރެވެއެވެ. މީގެ ދިހަވަރަކަށް ދުވަސް ކުރިން އުނގޫފާރު ފުޓްބޯޅަ ޓީމުގެ 25 އަހަރުގެ ޒުވާނަކުވެސްވަނީ ނިޔާވެފައެވެ. އަދި އޭގެ ކުޑަދުވަސްކޮޅެއް ކުރިން އަރިއަތޮޅުގައި ވޮލީ ކުޅެން ހުރި ޒުވާނަކުވެސްވަނީ ކުއްލި ގޮތަކަށް ނިޔާވެފައެވެ.
ކޮމެންޓު ފޮނުވާ