ބޮލީވުޑްގެ ޒުވާން ބަތަލާ ޕަރީނިތީ ޗޯޕްރާ ބުނާގޮތުގައި އޭނާ ޗުއްޓީއަށް ދަނީ އެހެން މީހުން ނުދާނެ ކަހަލަ ތަންތަނަށެވެ.
ޕަރީ މިހާރު އަންނަނީ ޔޫރަޕްގައި ޗުއްޓީ ހޭދަކުރަމުންނެވެ. އޭނާ ބުނިގޮތުގައި އޭނާ އެންމެ ދާހިތް ވަނީ އަދި ދަނީވެސް އެހެން މީހަކު ޗުއްޓީ އަށް ނުދާނެ ހެން ހީވާ ތަންތަނަށެވެ.
ސަބަބެއް ކަމަށް ޕަރީ ބުނީ އޭނާއަށް ހަމަނޭވާ ލައިގެން ހިނގާލެވޭ ކަމަށާއި އޭނާ ދަންނަ އެއްވެސް މީހަކު އެތަންތާގައި ނޫޅޭ ކަމަށެވެ. އެހެންވެ ހިތްހަމަ ޖެހިލައިގެން ހިންގާ ލުމަކީ ލިބޭ ވަރަށް ބޮޑު އުފަލެއް ކަމަށް އޭނާ ވަނީ ބުނެފައެވެ.
33 އަހަރުގެ ބަތަލާ ބުނީ އެގޮތަށް ޓްރެވަލް ކުރާއިރު އެންމެ މަޖާއެއް ކަމަކީ ނުދަންނަ މީހުން ލައްވާ ފޮޓޯނެގުން ކަމަށެވެ. މަގުމަތިން ފެންނަ ނުދަންނަ މީހެއް ކައިރީ ބުނެގެން ނެގި ފޮޓޯޢެއް ކަމަށް ބުނެ އިންސްޓަގްރާމް ގައި އޭނާ ވަނީ ފޮޓޯއެއް ހިއްސާ ކޮށްފައެވެ.
View this post on Instagram
2011 ވަނަ އަހަރު "ލޭޑީސް ވާސަސް ރިކީ ބޭލް" އިން އަނުޝްކާ ޝަރުމާ އަދި ރަންވީރު ސިންގް އާއެކު ބޮލީވުޑަށް ތަޢާރަފުވި ޕަރީނިތީ ދެން އެންމެ އަވަހަށް ފެނިގެންދާނީ ސޫރަޖް ބަރްޖަތިޔާގެ "އުންޗާއީ" އިންނެވެ. މީގައި ޕަރީނިތީ ފެންނާނީ ޚާއްސަ ފެނިލުމަކުންނެވެ. އެއަށްފަހު އަކްޝޭ ކުމާރާއިއެކު "ކެޕްސޫލް ގިލް" އިން ވެސް އޭނާ ފެނިގެންދާނެއެވެ.
