އިސްލާމީ އަޚުވަންތަކަމުގެ އިތުރުން އިންސާނީ އަޚުވަންތަކަމާ އެކުވެރިކަމަކީވެސް އޮންނަންޖެހޭ އެއްޗެކަމަށް އުނގޫފާރު ދާއިރާގެ މެންބަރު މުޙައްމަދު ވަޙީދު (ވައްޑޭ) ވިދާޅުވެއްޖެއެވެ. އޭނާ މިހެން ވިދާޅުވީ، .ބިލެއްދޫގައި ހިންދޫ ދީނަށް އަޅުކަން ކުރާ މައްސަލައެއް ފެންމަތިވެ، އެމީހުން ދިރިއުޅޭތަނަށް އާންމުންގެ ބައެއް ވަދެ އެމީހުންގެ ފޮށިތަންމަތި ފާސްކޮށް ހަދާފައިވަނިކޮށެވެ.

ވައްޑެ ވިދާޅުވީ، އިސްލާމީ ވެރިކަމެއްގެ ދަށުގައި ތިބޭ ޒިންމީން (އެހެން ދީންތަކުގެ މީހުން)ނާއި މެދުގައި ޢަމަލުކުރަންޖެހޭ ގޮތްވެސް ބަލާ އޮޅުންފިލުވައިގެން ވާހަކަ ދެއްކުން ވަރަށް ބޭނުންތެރިކަމަށެވެ.

އިސްލާމީ ވެރިކަމެއްގެ ދަށުގައި ތިބޭ ޒިންމީން (އެހެން ދީންތަކުގެ މީހުން) ނާއި މެދުގައި ޢަމަލުކުރަންޖެހޭ ގޮތްވެސް ބަލާ އޮޅުންފިލުވައިގެން ވާހަކަ ދެއްކުން ވަރަށް ބޭނުންތެރިއެވެ. އިސްލާމީ އަޚުވަންތަކަމުގެ އިތުރުން އިންސާނީ އަޚުވަންތަކަމާ އެކުވެރިކަމަކީވެސް އޮންނަންޖެހޭ އެއްޗެކެވެ.

— Waddey (@waddey_) September 3, 2022

ވައްޑެ މިހެން ވިދާޅުވެފައިވާއިރު، ފ.ބިލެއްދޫގައި ހިންދޫ ދީނަށް އަޅުކަން ކުރާ މައްސަލައެއް ފެންމަތިވެ އެތައް ބަޔަކު އަންނަނީ ފާޑުކިޔަމުންނެވެ.

މިމައްސަލަ ފެންމަތިވީ ބިލެއްދޫގައި ދިރިއުޅޭ އިންޑިޔާ ރައްޔިތުން ތަކެއް އެމީހުންގެ ދީނީ އަޅުކަމެއް ފުރިހަމަ ކުރުމަށް ހިންގި ހަރަކާތުގެ ފޮޓީ ސޯޝަލް މީޑިއާގައި ދައުރު ވުމާއި ގުޅިގެންނެވެ.

އެމީހުން ވަނީ އަޅުކަން ކުރަން ގެންގުޅުނު އެއްޗެއް އަތްމަތީގައި ބާއްވައިގެން އެރަށުގެ އެކި ސަރަހައްދު ތަކުގައި ހިނގާ ހަދާފައެވެ. މިކަމުގައި ގިނަ ބަޔަކު ސޯޝަލް މީޑިއާގައި ކަންބޮޑުވުން ފާޅު ކުރަމުންދާއިރު މިކަމާއި ގުޅިގެން ކަމާއި ގުޅުންހުރި އިދާރާއަކުން އަދި މާބޮޑު އެއްޗެއް ނުބުނެއެވެ.

ފުލުހުންގެ މީޑިއާ އޮފިޝަލްވެސް ވިދާޅުވެފައިވަނީ އެފަދަ ކަމެއް ހިނގައިގެން އުޅޭކަމުގެ މައުލޫމާތު އިއްޔެ ފުލުހުންނަށް ލިބިފައިވާ ކަމަށެވެ. އެކަމާއި ގުޅިގެން އިތުރަށް ބަލަން ޖެހޭ ކަންކަން ބަލަމުންދާކަމަށް ފުލުހުން ވަނީ ބުނެފައެވެ.

މިމައްސަލާގައި ދީނީ އިލްމުވެރިންވެސް ދަނީ ކަންބޮޑުވުން ފާޅު ކުރަމުންނެވެ. ރާއްޖެއަކީ ސައްތައިން ސައްތަ އިސްލާމީ ޤައުމަކަށްވާއިރު ރާއްޖޭގައި އެހެން ދީންތަކަށް އަޅުކަންކޮށް އެކަން ކުރުމަށް ޖާގަ ދެވިގެން ނުވާނެކަމަށް ބައެއް އިލްމުވެރިން ދަނީ ވިދާޅުވަމުންނެވެ.

އެމީހުން ވަނީ ހިންދުޒ ދީނުގެ އަޅުކަން ކުރުމަށްފަހު އެ ގެންގުޅުނު ބުދު ކަނޑުފައްތާފައިކަމަށް އެމީހުންނާއި ހަވާލާދީ ބައެއް މީހުން ބުނެއެވެ.