ފުވައްމުލައް ސިޓީގެ އެތެރޭގެ މަގުތަކުގައި ތާރުއެޅުމުގެ ޢަމަލީ މަސައްކަތް ފަށައިފިއެވެ.
ފުރަތަމަ ފިޔަވަހީގެ މަސައްކަތަށްފަހު، ފުވައްމުލައް ސިޓީގެ އެތެރޭގެ މަގުތައް ތާރުއަޅައި ތަރައްޤީކުރަން އެމްޓީސީއާ ހަވާލުކުރީ 2020ވަނަ އަހަރުގެ ފަހުކޮޅުއެވެ. އަދި މިހާރު މިވަނީ މަގުތަކުގައި ތާރުއެޅުމުގެ މަސައްކަތް ފަށާފައެވެ. މި މަޝްރޫޢުގައި ހިމެނެނީ ފުވައްމުލަކުގެ އެތެރޭގެ 31 މަގެއްގައި ތާރުއަޅައިގެން ޒަމާނީ ފެންވަރަށް ތަރައްޤީކުރުމުގެ މަސައްކަތެވެ. އެއީ 95،239 އަކަމީޓަރުގެ ސަރަޙައްދެވެ. މުޅި މަޝްރޫޢުގެ ބޮޑު އިންސައްތައެއް މިހާރު ވަނީ ނިމިފައެވެ.
We have today started the asphalt laying works for Gn. Fuvahmulah City Internal Roads Construction Project. The asphalt laying works was inaugurated by Fuvahmulah City Mayor, Mr. Ismail Rafeeq.#MTCCProjects #RayyithungeKunfuni pic.twitter.com/i5aDeF5R8P
— MTCC Plc (@MTCCPlc) September 1, 2022
މި މަޝްރޫޢުގެ ދަށުން، 122,659 އަކަމީޓަރުގެ ސަރަޙައްދެއްގައި ސަބްބޭސް އެޅުމާއި، 95،239 އަކަމީޓަރުގެ ސަރަހައްދެއްގައި ތާރު އެޅުމާއި، 27،450 އަކަމީޓަރުގެ ފުޓްޕާތް ހެދުމާއި، މަގުމަތީ ނިޝާން ހަރުކުރުމާއި، މަގުބައްތި ހަރުކުރުމާއި، 19،940 މީޓަރުގެ ފެންހިންދާ ނިޒާމެއް ޤާއިމުކުރުމުގެ މަސައްކަތް ހިމެނެއެވެ.
މި މަޝްރޫޢަކީ 331.05 މިލިއަން ރުފިޔާގެ މަޝްރޫޢެކެވެ.
