ވަރަށް މަދުން ނޫނީ ފިލްމް ތަކުން ނުފެއްނަ މަޝްހޫރު މޮޑެލް މިލިންދް ސޯމަން އަށް ކަންގަނާ ރަނާވަތް ގެ ކުރިއަށް އޮތް ފިލްމް "އިމަޖެންސީ" އިން ރޯލެއް ލިބިއްޖެއެވެ.
މި ފިލްމަކީ އިންޑިއާގެ ބޮޑުވަޒީރުކަން މިހާތަނަށް ކުރެއްވި ހަމައެކަނި އަންހެން ބޭފުޅާ އިންދިރާ ގާންދީގެ ވެރިކަމުގައި ސިޔާސީ ގޮތުން އުފެދުނު ހަލަބޮލިކަމާއި އިއުލާންކުރި އިމަޖެންސީއާ ހެދި ދިމާވި ކަންކަމަށް ބިނާކޮށް އުފައްދާ ފިލްމެކެވެ.
56 އަހަރުގެ އެކްޓަރު ފިލްމްގެ ރޯލެއް ކުޅަން ސޮއިކުރިއިރުގައި، ފިލްމް ގައި މިލިންދް ފެންނަ ގޮތުގެ ފަސްޓްލުކް ޕޯސްޓަރު ވެސް މިހާރު ވަނީ ދައްކާލައިފަ އެވެ. މި ފިލްމްގައި މިލިންދް ފެނިގެންދާނީ ފީލްޑް މާޝަލް ސޭމް މަނެކްޝޯގެ ރޯލްއިންނެވެ.
ފާހަގަ ކޮށްލެވޭ ކަމަކީ "ސޭމް ބަހާދޫރު" ގައި އެކްޓަރު ވިކީ ކޯޝަލް އަންނަނީ ހަމަ ފިލްމް ކުޅެމުންނެވެ. އެ ފިލްމްގައި ވިކީ ކުޅޭނީ ސޭމްގެ ރޯލެވެ. އެއީ ސޭމް ގެ ހަޔާތުގެ މައްޗަށް ބިނާކޮށް ހަދާ ބައޯޕިކްއެކެވެ.
މީގެ ކުރިންވެސް މި ފިލްްމ އަށް ވަނީ ގިނަ ތަރިންތަކެއް ނަގައި، ފަސްޓް ލުކް ދައްކައިލައިފައިއެވެ. އެގޮތުން މި ފިލްމްގައި މުހިމުރޯލެއް ކުޅޭ، އަނުޕަމް ކޭރް އާއި ސްރެޔާޝް ތަޅްޕަޅޭ އަދި މަހިމާ ޗޯދްރީގެ އިތުރުން އިންދިރާގެ ގޮތުގައިގައި ފިލްމް އިން ކަންގަނާ ފެނިގެންދާގޮތްވެސް ވަނީ ދައްކައިލައިފައިއެވެ.
The epic story of Independent India’s darkest hour.
As we commence shoot, sharing a glimpse of #Emergency#EmergencyFirstLookhttps://t.co/t14SjqyDEb#KanganaRanaut @nishantpitti #AkshtRanaut @writish @gvprakash @manojmuntashir pic.twitter.com/FsD0Hk3ixZ— Manikarnika Films Production (@ManikarnikaFP) July 14, 2022
"އިމަޖެންސީ" އަކީ ކަންގަނާގެ ޕްރޮޑަކްޝަން ހައުސް، މަނިކަރްނިކާގެ ދަށުން އޭނާ ޕްރޮޑިއުސްކޮށް އަދި ޑައިރެކްޓުވެސް ކުރާ ފިލްމެކެވެ. މިއީ ކަންގަނާގެ ދެވަނަ ޑައިރެކްޝަނެވެ.
ކޮމެންޓު ފޮނުވާ