މަގާމުން ރިޓަޔަރ ކުރައްވާފައިވާ، ބްރިގޭޑިއަރ ޖެނެރަލް (ރޓ) ޒަކަރިއްޔާ މަންސޫރަށް، މަގާމުން ރިޓަޔަރ ކުރެއްވުމަށްފަހުވެސް، ރިޓަޔަރމަންޓް ފައިސާ ހިމެނޭގޮތުން މުޒާރައާއި އިނާޔަތުގެ ގޮތުގައި ބައި ލައްކަ ރުފިޔާ ލިބެމުންދާކަން ހާމަ ވެއްޖެއެވެ.
މި މައުލޫމާތު ސޯޝަލް މީޑިއާގައި ހިއްސާ ކޮށްފައިވަނީ، ދައުލަތުގެ މާލީ އަދި ފައިސާގެ މައުލޫމާތު، މައުލޫމާތު ހޯދާ ލިބިގަތުމުގެ ހައްގުގެ ދަށުން ހޯދުމަށްފަހު، މީސް މީޑިއާގައި އެ މައުލޫމާތު ހާމަ ކުރަމުންދާ އައިމަން ލަތީފެވެ.
Zakariyya Mansoor, as a Brigadier General of MNDF, used to received a monthly remuneration of MVR 57,032
He retired in December 2021 and got a retirement package of over MVR 1,000,000
Despite his "retirement", he works for NCTC and continues to receives MVR 51,730 every month pic.twitter.com/olnMMehNxC
— Piko (@AimonLatheef) August 16, 2022
އައިމަން ލަތީފު އޭނާގެ ޓުވިޓަރ އެކައުންޓުގައި އާންމު ކޮށްފައިވާ މައުލޫމާތުތަކުގައި ވާގޮތުގައި، ބްރިގޭޑިއަރ ޖެނެރަލް (ރޓ) ޒަކަރިއްޔާ މަންސޫރަށް ސިފައިންގެ ވަޒީފާއިން ރިޓަޔަރ ކުރެއްވުމާއި ގުޅިގެން އެއްފަހަރާ އެއް މިލިއަން ރުފިޔާގެ ޕެކޭޖެއް ލިބިފައި ވެއެވެ. އަދި އެއަށްފަހު ރިޓަޔަރމަންޓް އިނާޔަތުގެ ގޮތުގައި މަހަކު 20،430 ރުފިޔާ ލިބެމުން ދާއިރު، މިފައިސާ ހިމެނޭ ގޮތުން، ނޭޝަނަލް ކައުންޓަރ ޓެރަރިޒަމް ސެންޓަރުގައި އަދާ ކުރައްވަމުން ގެންދަވާ މަގާމުގެ މުސާރައިގެ ގޮތުގައި 31،300 ރުފިޔާ ކޮންމެ މަހަކުވެސް ލިބިވަޑައިގަންނަވައެވެ.
މިއީ، އަސާސީ މުސާރައިގެ ގޮތުގައި ލިބިވަޑައިގަންނަވާ 18،000 ރުފިޔާއާއި، ލިވިންގ އެލަވަންސްގެ ގޮތުގައި ކޮންމެ މަހަކުވެސް ލިބިވަޑައިގަންނަވާ 12،500 ރިފިޔާގެ އިތުރުން ފޯނު އެލަވަންސްގެ ގޮތުގައި ލިބިވަޑައިގަންނަވާ 800 ރުފިޔާއެވެ.
މިގޮތުން ރިޓަޔަމަންޓް ފައިސާވެސް ހިމެނޭ ގޮތުން، މިހާރު ހުންނެވި މަގާމުގެ މުސާރަ އެއްކޮށްލުމުން ބްރިގޭޑިއަރ ޖެނެރަލް (ރޓ) ޒަކަރިއްޔާ މަންސޫރަށް ދައުލަތުން ކޮންމެ މަހަކުވެސް 51،730 ރުފިޔާ ލިބިލައްވައެވެ.
އައިމަން ލަތީފް އާންމު ކޮށްފައިވާ، ބްރިގޭޑިއަރ ޖެނެރަލް (ރޓ) ޒަކަރިއްޔާ މަންސޫރުގެ މުސާރައިގެ ތަފްސީލްތަކުގައި ވާ ގޮތުން މަގާމުގައި ހުންނެވިއިރުވެސް ލިބިލައްވަމުން ގެންދެވީ ހަމަ މިއާ އެއްވަރުގެ މުސާރައެކެވެ. އޭރު ލިބިލައްވަމުން ގެންދަވާފައިވަނީ މަހަކު 57,032 ރުފިޔާއެވެ.
ކޮމެންޓު ފޮނުވާ