ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލު ކުރުމަޓްޓަކާ، އެޕާޓީގެ އާންމު މެމްބަރުން ތާއީދު ހޯއްދުވުމުގެ އަމަލީ މަސައްކަތް، ނަޝީދު ފައްޓަވައިފިއެވެ.
ނަޝީދު މިއަދު ކުރެއްވި ޓުވީޓެއްގައި ވިދާޅުވެފައިވަނީ، އެމްޑީޕީ ހަރުގޭގައި ބަރުލަމާނީ ނިޒާމަކަށް ތާއީދު ހޯއްދެވުމުގެ މަސައްކަތް މިރޭވެސް އޮންނާނޭ ކަމަށާއި އެންމެ ބޭފުޅުންނަށް ދައުވަތު އަރުވާ ކަމުގައެވެ.
Mireyves parliamentary nizam ge mashvara kuriah gendhiumah alhugandu MDP Harugeyga hunnanan. Enme beyfulhun vadaigaiy dhevvun varah edhen pic.twitter.com/EpX5USiSBb
— Mohamed Nasheed (@MohamedNasheed) August 16, 2022
ރޭ އެމްޑީޕީގެ ހަރުގޭގައި އޮތް ބައްދަލުވުމުގައި އެޕާޓީއަށް ނިސްބަތްވާ އާންމު ބައެއް މެމްބަރުން ބައިވެރި ވެެފައިވާއިރު، މި ބައްދަލުވުމުން ޕާޓީގެ ލީޑަރޝިޕްގެ ގިނަ މޫނުތަކެއް ފެނިގެން ގޮސްފައި ނުވާކަން ފާހަގަ ކޮށްލެވެއެވެ. އެހެންނަމަވެސް އެމްޑީޕީގެ ނަޝީދު ފެކްޝަނަށް ނިސްބަތްވާ ހެންވޭރު ހުޅަނގު ދާއިރާގެ މަޖިލިސް މެމްބަރު ހަސަންލަތީފުގެ އިތުރުން ގަލޮޅު އުތުރު ދާއިރާގެ މެމްބަރު އީވާ އަބުދުﷲ ބައިވެރިވެ ވަޑައިގެންފައި ވެއެވެ.
ބަރުލަމާނީ ނިޒާމަށް ތާއީދު ހޯއްދެވުމުގެ ގޮތުން މީގެ ކުރިންވެސް ނަޝީދުވަނީ މަސައްކަތް ތަކެއް ފައްޓަވާފައެވެ. އޭފަހަރު ފެއްޓެވި މަސައްކަތަކީ، ބަރުލަމާނީ ނިޒާމަށް ތާއީދުއޮތްކަން ސާބިތު ކޮށްދިނުމުގެ ގޮތުން އާންމުންގެ ސޮއި ހިމެނޭ ޕެޓިޝަނެއްގައި ސޮއި ކުރެއްވުމެވެ. އަދި އެ ޕެޓިޝަންގައި ސޮއި ކުރުމަށްޓަކާ ނަޝީދަށް ތާއީދުކުރާ ބައެއް މަޖިލިސް މެމްބަރުން އިސްވެ ތިއްބަވައިގެން ރާއްޖެ ތެރޭގެ ރަށްރަށަށް ދަތުރުވެސް ކޮށްފައި ވެއެވެ.
އެހެންނަމަވެސް މި ޕެޓިޝަންގެ މަސައްކަތް ފަހުންވަނީ ހުއްޓުމަކަށް އައިސްފައެވެ.
ބަރުލަމާނީ ނިޒާމަކަށް ރާއްޖޭގެ ވެރިކަމުގެ ނިޒާމު ބަދަލު ކުުރުމަށް ނަޝީދު ކުރައްވަމުން ގެންދަވާ މަސައްކަތްތަކުގެ ނިޒާމު ބަދަލުކުރުމަށް އެމްޑީޕީގެ ކޮންގްރެސްގެ ތާއީދު ހޯއްދުވުމަށް ނަޝީދުވަނީ ކުރިޔަށް އޮތް ކޮންގްރެސްއަށް ގަރާރެއް ހުށަހަޅުއްވާފައެވެ.
މިގަރާރުގައި ނަޝީދު ހިމަނުއްވާފައިވަނީ، ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލުކުރުމަށް ރައްޔިތުންގެ ފެންނަ ނުފެންނަ ވޯޓަކަށް ދިއުމަށް އެމްޑީޕީގެ ކޮމްގްރެސް އިގުރާރު ވުމަށެވެ.
އަދި މިގޮތަށް އެމްޑީޕީގެ ކޮންގަރެސްއިން ފާސް ވެއްޖެނަމަ، ރައްޔިތުންގެ މަޖިލިހުގެ އަދަދު 87 މެމްބަރުންނަށްވުރެ އިތުރު ނުކުރުމަށާއި އޭގެ އިތުރުން ސުޕްރީމް ކޯޓުގެ ފަނޑިޔާރުންގެ އަދަދު 5 އަށް ހަމަޖެއްސުމަށް ގާނޫނޫނު އަސާސީއަށް ބަދަލު ގެނައުމަށް އިގުރާރުވުންވެސް މި ގަރާރުގައި ހިމަނުއްވާފައި ވެއެވެ.
އެއަށްފަހު އިއްޔެ ބޭއްވެވި ނޫސްވެރިންގެ ބައްދަލު ވުމެއްގައި، ރާއްޖޭގެ ވެރިކަމުގެ ނިޒާމް ބަރުލަމާނީ ނިޒާމަކަށް ބަދަލުކޮށް، ބޮޑުވަޒީރު ސަރުކާރު ހިންގައި، ރައީސުލްޖުމްހޫރިއްޔާ ދައުލަތުގެ އެންމެ އިސް ވެރިއެއްގެ ގޮތުގައި ހުންނެވުމަށް ނަޝީދު ބޭނުންފުޅުވާ އިސްލާހު ވަނީ އާންމު ކުރައްވާފައެވެ.
ނަޝީދު އާންމު ކުރެއްވި އިސްލާހުގައި ވަނީ ރައީސުލްޖުމްހޫރިއްޔާގެ މަޤާމުގައި ހުންނަވާ ބޭފުޅަކަށް ލިބިވަޑައިގަންނަވާނެ ބާރުތައް ތަފްސީލްކޮށް ދެއްވާފައެވެ. އެގޮތުން ރައީސްއަށް ލިބިވަޑައިގަންނަވާ ބާރުތަކުގެ ތެރޭގައި މިނިވަން މުއައްސަސާތަކަށް ބޭފުޅުން އައްޔަން ކުރެއްވުމާއި، އަސްކަރިއްޔާގެ އެންމެ އިސްވެރިޔާގެ މަޤާމު ރައީސްއަށް ދެއްވުން ހިމެނެއެވެ.
