ބޮލީވުޑްގެ އޭލިސްޓްގެ ތަރިއެއް ކަމުގައިވާ އާމިރު ހާންގެ ފިލްމް "ލާލް ސިންގް ޗައްޑާ" އަށް ވެސް ބެލުންތެރިންގެ މާބޮޑު ތަރުހީބެއް ނުލިބުނެވެ.
މިމަހުގެ 11 ވަަނަ ދުވަހު ސިނަމާތަކުގައި ފިލްމް އެޅުވީ ވަރަށް ބޮޑު އުންމީދަކާއި އެކުގައިއެވެ. ނަމަވެސް ފިލްމް އަށް ލިބެމުން އަންނަނީ ވަރަށްވެސް ފިނި ތަރުހީބެކެވެ.
އާމިރު ހާންގެ އިތުރުން ފިލްމް އިން ފެނިގެންދާނީ ކަރީނާ ކަޕޫރުއެވެ. އަދި ފިލްމްގެ ހާއްސަ ފެނިލުމަކުން ޝާހުރު ވެސް ފެނިގެންދާ މި ފިލްމް އަކީ ހޮލީވުޑްގެ ކާމިޔާބު ފިލްމު، "ފޮރެސްޓް ގަމްޕް" އަސްލަކަށް ބަލައިގެން އުފެއްދި މި ފިލްމް އެޅުވުމަށް ވަގުތު ކުޑަތަން ވެފައި ވަނިކޮން ވަނީ ފިލްމް ބޮއިކޮޓް ކުރުމަށް ވެސް ގޮވައިފައިއެވެ.
ނަމަވެސް އާމިރު ވަނީ ފިލްމް ބޮއިކޮޓް ނުކޮށް ފިލްމް ބެލުމްށް ދިއުމަށް ރިކުއެސްޓް ކޮށްފައިއެވެ. އަދި ފިލްމް ނުހިނގަފާނެތީ އާމިރު އަށް ހަމަ ނިދި ނުލިބޭ ކަމަށްވެސް ވެއެވެ.
ފިލްމު އެޅުވި ދުވަހު 14.11 ކްރޯޑް ރުޕީސް ލިބުނުއިރު ދެވަނަ ދުވަހު ލިބުނީ ހަތް ކްރޯޑް ރުޕީސް އެވެ. ތިން ވަނަ ދުވަހު 10.60 ކްރޯޑް ރުޕީސް ލިބިފައިވެ އެވެ. މީ އާމިރުގެ ފިލްމް އަކަށް އެންމެ އެކަށީގެންވާ ވަރެއް ނޫނެވެ. މީގެ ކުރިން އޭނާ ފިލްމް ތަަކަށް އެންމެ ދުވަހަކަށް އެވަރުގެ އާމްދަނީ ވަދެފައި އެބަހުއްޓެވެއ.
ފިލްމް ސިނަމާގައި ނުހިިނގި ކަމުގައިވިޔަސް ފިލްމް ބެލުމަށްފަހު ފިލްމީ ތަރިންވަނީ ފިލްމް އަށް ވަރަށް ތައުރީފް ކޮށްފައިއެވެ. އަދި ފިލްމް އަކީ ބަލާލަން ރީތި ފިލްމް އެއް ކަމަށްވެސް ވަނީ ބުނެފައިއެވެ.
