ބޮލީވުޑްގެ ކާމިޔާބު ތަރިންގެ ތެރޭގައި ހަމަ ޔަގީނުންވެސް އަކްޝޭ ކުމާރުގެ ނަން ހިމެނޭނެއެވެ. އޭނާގެ އަތުގައި އަބަދުވެސް ހައެއްކަ ޕްރޮޖެކްޓް އޮވެއެވެ. އަދި ހަމަ އެއާއެކު އެނާ އަކީ އޭލިސްޓުގެ ތަރިންގެ ތެރެއިން ކޮންމެ އަހަރުވެސް އެންމެ ގިނަ ފިލްމު ރިލީޒް ކުރާ އެއް އެކްޓަރެވެ.
އެގޮތުން އޭނާ އަނެއްކާ ވެސް ފިލްމެއް ކުޅުމަށް ވަނީ ސޮއި ކޮށްފައެވެ. މިފަހަރު އޭނާ ސޮއިކުރި ފިލްމްއަކީ "ޖޯލީ އެލްއެލްބީ 3″ އެވެ. މި ފިލްމްގެ ދެވަނަ ބައިކަމުގައިބާ "ޖޯލީ އެލްއެލްބީ 2″ އިންވެސް ފެނިގެން ދިޔައީ އަކްޝޭއެވެ. އެފިލްމު ރިލިޒް ކޮށްފައިވަނީ 2017 ވަނަ އަހަރުއެވެ. ނަމަވެސް ކޮމެޑީ މި ފިލްމުގެ ފުރަތަމަ ބައިގެ ލީޑުން ފެނިގެން ދިއައީ އަރްޝަދު ވާރްސީއެވެ.
އަކްޝޭއަކީ ހުރިހާ ރަހަތަކެއްގެ ފިލްމުތަކަށް ވެސް ފިޓް އެކްޓަރެކެވެ. އެއީ ކޮމެޑި ކަމުގައި ވިޔަސް އެކްޝަން ކަމުގައި ވިޔަސް ރޮމޭންސް އަދި ޕީރިއަޑް ޑްރާމާ ކަމުގައި ވިޔަސްމެއެވެ.
މިހާރުވެސް ސިނަމާގައި އަންނަނީ އޭނާގެ ފިލްމެއް ދައްކަމުންނެވެ. އެއީ "ރަކްޝާ ބަންދަން"އެވެ. އެ ފިލްމަކީ މިއަހަރު ރިލީޒް ކުރި އަކްޝޭގެ 3 ވަނަ ފިލްމެވެ.
