ދިވެހި މުޖުތަމަޢަށް އައިސްފައިވާ ބޮޑެތި ބަދަލުތަކާއެކު، ރާއްޖޭގައި ހިނގަމުންދާ ފާހިޝް އަމަލްތަކުގެ ތެރެއިން ފަހަކަށްއައިސް އެންމެ ބޮޑަށް ފަޞީހަތްވެގެން ދިޔަ އެއް ކޭސްއަކަށް ވެގެން ދިޔައީ، ބަންގލަަދޭޝްގެ ރައްޔިތެއް ކަމުގައިވާ އެމްޑީ އަލަމްގިރިއާއެކު އެއް ޖިންސުން ގުޅުން ހިންގާފައިވާ މީހުންގެ ވީޑިއޯތައް ލީކުވެގެން ދިޔަ ދިއުމެވެ.

މިމައްސަލަ އެންމެ ފުރަތަމަ ފެންމަތި ވެގެންދިޔައީ، ފާއިތުވެދިޔަ ޖޫންމަހުގެ ތެރޭގައި، ރައްޔިތުންގެ މަޖިލިހުގެ ރައީސް މުހައްމަދު ނަޝީދުގެ ކޮއްކޮ، ނާޒިމް ސައްތާރު އަލަމްގިރިއާއެކު އެއް ޖިންސުން ގުޅުން ހިންގާފައިވާކަމަށް ބެލެވޭ ވީޑިއޯ ލީކު ކޮށްލި ހިސާބުންނެވެ. އެއަށްފަހު، ޖެހިގެން އައި ހަފްތާ ތެރޭގައި، ވީޑިއޯތައް ލީކު ކުރަމުންދާ މީހުންވަނީ، ސިޔާސީގޮތުން އިސްކޮށް ހަރަކާތެރި ވަމުންދާ ބައެއް މީހުންގެ ވީޑިއޯތައް ލީކު ކޮށްލާފައެވެ.

އޭގެ ތެރޭގައި ރައްޔިތުންގެ މަޖިލިހުގެ ނޮޅިވަރަމް ދާއިރާގެ ކުރީގެ މެމްބަރު ކާނަލް ނަޝީދު އަމަލްގިރި އެއްޖިންސުން ގުޅުންހިންގާ ކޮޓަރިއަށް ގޮސްގެން އުޅޭ ވީޑިއޯވެސް ހިމެނެއެވެ. އަދި ކާނަލް ނަޝީދުވަނީ އެ ވީޑިއޯއިން ފެންނަނީ އޭނާކަމަށް ސޯޝަލް މީޑިއާގައި އިއުތިރާފްވެސް ވެފައެވެ.

އެއަށްފަހު ނުސްވެރިޔާ ނަސީރުވެސް އެއް ޖިންސުން ގުޅުން ހިންގާކަމަށް ބެލެވޭ ވީޑިއޯއާންމުވެގެން ދިއުމަށްފަހު، ފުލުހުން ވަނީ، ހިންގި ޚާއްސަ އޮޕަރޭޝަނެއްގައި މި ތިންމީހުން ހައްޔަރުކޮށް، އޭގެ ފަހުން ކޯޓުންވަނީ އެމީހުންގެ ބަންދުގެ މުއްދަތުވެސް ޖަހާފައެވެ.

އެންމެ ފުރަތަމަ އާންމުވެގެންދިޔަ ވީޑިއޯތަކަށްފަހު، ފާއިތުވެދިޔަ ދެ މަހެއްހާ ދުވަހުގެ ތެރޭގައި، އަލަމްގިރިއާއެކު އެއްޖިންސުން ގުޅުން ހިންގާފައިވާ ގިނަ ވީޑިއޯތަކެއް ދަނީ އާންމު ވަމުންނެވެ. ފަހުން އާންމު ވެގެންދިޔަ ވީޑިއޯތަކުން، ސަރުކާރުގެ އޮފީސްތަކާއި، ބައެއް މުވައްސަސާތަކާއި އަދި ކުންފުނިތަކުގެ މުވައްޒަފުންވެސް ފެންނައިރު، އެމުވައްސަސާތަކުން މިހާރުވަނީ އެހުރިހާ މުވައްޒަރުން ސަސްޕެންޑް ކޮށްފައެވެ.

މީގެތެރޭގައި، ރައްޔިތުންގެ މަޖިލިހުގެ މުވައްޒަފަކާއި، މޯލްޑިވްސް ކަސްޓަމްސް ސާވިސްގެ ދެ މުވައްޒަފަކާއި، ހޯމް މިނިސްޓްރީގެ މުވައްޒަފަކާއި އެމްޑީއެފްގެ މީހެއްގެ އިތުރުން ގުރުއާނާބެހޭ މަރުކަޒުގެ އިސްވެރިއާގެ މަގާމްގައި ހުރި މީހާއާއި އިތުރު މުދިމަކުވެސް ހިމެނެއެވެ.

މައުލޫމާތު ލިބިފައިވާ ގޮތުގައި، އަމަލްގިރި އެއްޖިންސުން ގުޅުން ހިންގާފައިވާކަމަށް ބެލެވޭ މީހުންގެ ލިސްޓު 250 އަށް އަރައެވެ. އަދި ގަބޫލުކުރެވޭ ގޮތުގައި މި މީހުންގެ ވީޑިއޯތައް ބަޔަކު މީހުން މިހާރު ލީކުކުރަމުންދަނީ، ވީޑިއޯތަކުން ފެންނަ މީހުން ބްލެކްމެއިލް ކުރުމުގެ މަގުސަދުގައެވެ.

އެއްޖިންސުން ގުޅުން ހިންގާކަމުގެ ތުހުމަތު ކުރެވޭތާ އެތައް އަހަރެއް ފާއިތުވެއްޖެ!

ރާއްޖޭގައި އެއްޖިންސުން ގުޅުން ހިންގާ މީހުން އުޅެމުންދާކަމުގެ ތުހުމަތުތަކަކީ އަލަށް ކުރެވިގެން އުޅޭ ތުހުމަތުތަކެއް ނޫނެވެ. އަދި، ފަހުން ލީކުވި ވީޑިއޯތަކުން ފެންނަކަމަށް ބުނާ ބައެއް މީހުންނަކީ މީގެ ކުރިންވެސް، އެއްޖިންސުން ގުޅުން ހިންގާކަމަށް ތުހުމަތު ކުރެވިފައިވާ، އެހެންނަނަމަވެސް އެ ފަރާތްތަކާއި ދެކޮޅަށް ސާބިތު ހިވޭފަރުވެ ހެކިތަކެއް ފެންނާން ނެތް މީހުންނެވެ.

އެހެންނަމަވެސް ފާހަގަ ކޮށްލާންޖެހޭ ނުކުތާއަކީ، މީގެތެރެއިން ބައެއް ފަރާރްތަކަކީ، މިމީހުން މި ފާހިޝް އަމަލު ހިންގާކަން، އެންމެން ދަންނަ ބޮޑު ސިއްރެއްގެ ގޮތުގައި އޮތް މީހުންނެވެ. ހަމައެކަނި ތަފާތަކީ މިމީހުންގެ މައްޗަށް ކުރެވެމުންދިޔަ ތުހުމަތުތައް ފުލުހުންގެ މުވައްސަސާއަށް ހުށަ ނޭޅީ، ނުވަތަ ފުލުހުން އެމައްސަލަތައް މިހާތަނަށް ތަހުގީގު ކޮށްފައި ނުވާ ނުވުމެވެ.

ޚަބަރު އޮންލައިނަށް މައުލޫމާތު ލިބިފައިވާ ގޮތުގައި، ރާއްޖޭގައި، އެއްޖިންސުން ގުޅުން ހިންގަމުންދިޔަ ބޮޑު ނެޓްވާރކެއް އޮންނަމުންދާތާ އަހަރުތަކެއް ވަނީ ފާއިތުވެގެން ގޮސްފައެވެ. އަދި މި ނެޓްވާރކުގައި ގިނަ ދިވެހީންތަކެއް ހިމެނޭއިރު، މިމީހުންނަކީ ވައިބަރ ގުރޫޕެއްވެސް ހަދައިގެން، ވަރަށް ރަސްމީ ސިފައެއްގައި މި ފާހިޝްއަމަލު ހިންގަމުން ދާ ފަރާތްތަތަކެވެ.

އަދި މީގެ ތެރޭގައި، ބައެއް އޮފީސްތަކުގެ އިސް މަގާމްތަކުގައި ތިބި ބައެއް ފަރާތްތައް ހިމެނޭއިރު، މީގެ ތެރޭގައި ސިޔާސީ ގޮތުން އާންމުކޮށް ފެންނަމުންދާ ގިނަ މޫނުތަކެއްވެސް ހިމެނޭކަމަށް ޚަބަރު އޮންލައިނަށް މައުލޫމާތު ދިން ފަރާތްތަކުން ކިޔައިދީފައި ވެއެވެ.

އޭގެ އެއް ހެއްކަކީ، ފުޅާ ދާއިރާއެއްގައި އެއް ޖިންސުން ގުޅުން ހިންގާފައިވާ އަލަމްގިރީގެ ކޮޓަރިއަށް މި ނެޓްވާރކުގައި އުޅޭކަމަށް ބެލެވޭ ގިނަބަޔަކު ޒިޔާރަތް ކޮށްފައިވުމެވެ. މިގޮތުން ބެލެވޭ ގޮތުގައި، ރާއްޖޭގައި ގިނަ އަހަރުތަކެއް ވަންދެން، އެއް ޖިންސުން އާންމުކޮށް ގުޅުން ހިންގުމުގައި އުޅެފައިވާ ގިނަ ފަރާތްތަކެއް، އަލަމްގިރީގެ ކޭސްގައި ޝާމިލްވެ، އެފަރާތްތަކުގެ ވީޑިއޯތައް މިހާރުވަނީ މިފަރާތްތައް ބްލެކްމެއިލް ކުރުމަށް މަސައްކަތް ކުރަމުންދާ ފަރާތްތަކުގެ އަތަށް އަރާފައެވެ.

ފާއިތުވެދިޔަ ތަނުގައި އެކަށީގެންވާ ތަހުގީގެއް ކުރެވުނު ނަމަ މިހާލަތަކަށް ނުދިޔައީސް!

ރާއްޖެފަދަ އިސްލާމީ މުޖުތަމަޢެއްގައި ހިގައިގެން ނުވާނޭފަދަ ފާހިޝް އަމަލެއްގައި، އެތަކެއް ދިވެހީންނެއް ޝާމިލްވެ، އަދި އެއަށްފަހު އެފަރާތްތަކުގެ ވީޑިއޯތައް ބޭނުންކޮށްގެން ބްލެކްމެއިލްކުރުމުގެ މަސައްކަތް ފުޅާ ދާއިރާއެއްގައި ކުރިޔަށް ދާން ފެށުމާއެކު، އެއްޖިންސުން ގުޅުން ހިންގުމުގެ މި ފާޙިޝް އަމަލު ރާއްޖޭގައި އާންމުވެގެން ގޮސްފައިވާ މިންވަރު މިހާރު މިއޮތީ ވަރަށްވެސް ރަގަޅަށް ވަޒަން ކުރެވޭށެވެ.

އަދި އަމުދުން މިފަދަ ނުބައިކަން ބޮޑު އަމަލުތަކަކީ، އެކަން ހިނގާ މުޖުތަމައެއްގައި ނުރައްކާތެރި ބައްޔެއް ފަދައިން ފެތުރޭ ކަމަށް ވާއިރު، ފާއިތުވެދިޔަ ތަނުގައި އެއްޖިންސުން ގުޅުން ހިންގާކަމަށް ކުރެވެމުންދިޔަ ތުހުމަތުތަކާއެކުވެސް، މިތުހުމަތުތައް އެކަށީގެންވާ ގޮތެއްގައި ތަހުގީގުކޮށް، ފިޔަވަޅު އެޅުމަށް އެކަށީގެންވާ މަސައްކަތްތަކެއް ކުރެވިގެން ގޮސްފައި ނުވާކަން ފާހަގަ ކޮށްލާން ޖެހެއެވެ.

އަދި އަމުދުން، އެއް ޖިންސުން ގުޅުން ހިންގުމަކީ، ގާނޫނުލް އުގޫބާތުގައިވެސް ބޮޑު އަދަބެއް ކަނޑައެޅިފައިވާ ކުށަކަށް ވާއިރު، މިފަދަ ބޮޑު ކުށެއްގައި ކުރެވޭ ތުހުމަތައް ސީރިއަސް ތަހުގީގެއްގެ ގޮތުގައި ކުރިޔަށް ގެންދާން ޖެހޭނޭކަމުގައިވެސް ގަބޫލުކުރާން ޖެހެއެވެ.

އެހެންނަމަވެސް، ބެލެވޭގޮތުގައި، އަލަމްގިރީގެ ކޭސްގައި އާންމުވެގެން ދިޔަ ވީޑިއޯތަކަށްފަހު، އެތައް ޒަމާނެއް ވަންދެން ރާއްޖޭގައި ހިގަމުން ގޮސްފައިވާ މި ފާހިޝް އަމަލްތަކާއި ގުޅޭގޮތުން މުޖުމައު މިއޮތީ ވަރަށްވެސް ބޮޑަށް ހޭލައްވާލާފައެވެ. އަދި ބެލެވޭ ގޮތުގައި ރާއްޖޭގައި ފުޅާ ދާއިރާއެއްގައި މި އަމަލު ހިންގަމުންދިޔަ ގިނަ ފަރާތްތަކެއްގެ ވީޑިއޯތައް މިވަނީ ބްލެކްމެއިލް ކުރާ ފަރާތްތަކާއި ހަމައަށް ފޯރާފައެވެ.

އޭގެ ނަތީޖާއެއްގެ ގޮތުން، ގަބޫލުކުރެވޭ ގޮތުގައި މިފަދަ ގިނަ ފަރާތްތަކެއްގެ ވީޑިއޯތައް އަދިވެސް ދާނީ ލީކުވަމުންނެވެ. އެހެންނަމަވެސް، މި މައްސަލަ ފުރިހަމަޔަށް ތަހުގީގުކޮށް، މި އަމަލު ހިންގާފައިވާ ފަރާތްތަކަށް އެކަށީގެންވާ އަދަބު ނުދެވިއްޖެނަމަ، ކަންބޮޑުވާންޖެހޭ ފަދަ ދަރަޖައަކަށް ފެތުރިގެން ގޮސްފައިވާ މި ފާހިޝް އަމަލުގެ ނުބައިކަމާއި ބަލިމަޑުކަމުން މުޖުތަމަޢު ސަލާމަތް ކުރުމަކީ އަދިވެސް، ވަރަށްވެސް ދުރުގައި އޮތް ކަމެއްކަމުގައި ދަންނަވާން ޖެހެއެވެ،