ބޮޑު ކާމިޔާބެއް ލިބުނު އަދި އޮސްކާވެސް ހޯދި ފިލްމު "ސްލަމްޑޯގް މިލިއަނާ"ގެ އެކްޓަރ ދޭވް ޕަޓޭލް، ވަޅިއެއް ބޭނުންކޮށްގެން ދެ މީހަކު ހިންގި މާރާމާރީއެއް ހުއްޓުވައިފިއެވެ.
ދޭވްގެ ތަރުޖަނާމު މީޑިއާގައި ވާހަކަދައްކަމުން ބުނީ މިދިއަ ހޯމަދުވަހު އޮސްޓްރޭލިއާގެ އެޑެލައިޑްގެ މަގެއްމަތީގައި ދެމީހަކު ވަޅިއެއް ބޭނުން ކޮށްގެން ހިންގި މާރާ މާރީއެއް ދޭވް ހުއްޓުވާފައިވާ ކަމަށެވެ. އަންހެނަކާއި ފިރިހެނެއް ހިންގި މި މާރާ މާރީގައި ފިރިހެންމީހާއަށް ވަނީ އަނިޔާ ވެފައެވެ. އެއީ އަންހެން މީހާ އަމާޒު ކުރި ހަމަލާއެއް އެރުމުގެ ސަބަބުނެވެ. ނަމަވެސް ސީރިއަސް ނޫންކަމަށް ޚަބަރު ލިބެއެވެ.
View this post on Instagram
ދެކުނު އޮސްޓްރޭލިއާގެ ފުލުހުން ބުނީ މާރާމާރީއެއް ހިންގާކަމުގެ މައުލޫމާތު ލިބުނީ ހޯމަ ދުވަހުގެ ރޭ ރޭގަނޑު 8:45 ގައި ކަމަށެވެ. އަދި މާރާމާރީ ހިންގި ދެ މީހުންނަކީ ކަޕުލްއެއް ކަމަށްވެސް ބުނެފައި ވެއެވެ.
ދޭވްގެ ފިލްމީ މަސައްކަތް ތަކަށް ބަލާއިރު، ކުރިއަށް ހުރި ފިލްމުތަކުގެ ތެރޭގައި އަމިއްލަ އަށް ލިޔެ، ޑައިރެކްޓްކުރާ "މަންކީ މޭން" ގެ އިތުރުން "ދަ ވޮންޑަފުލް ސްޓޯރީ އޮފް ހެންރީ ޝުގާ" ހިމެނެއެވެ. "މަންކީ މޭން" ގެނެސްދިނުމަށް ހަމަޖެހިފައިވަނީ ނެޓްފްލިކްސް އިންނެވެ. ޝޫޓިންގ ނިމި ޕޯސްޓް ޕްރޮޑަކްޝަން ގައި އޮތް މި ފިލްމު ޕްރިމިއާ ކުރާނެ ދުވަހެއް އަދި ނޭނގެއެވެ.
