ބޮލީވުޑްގެ ސުޕަރސްޓާ އާމިރު ޚާން ވަނީ ޑައިރެކްޓަރ ކަރަން ޖޯހަރް ގެނެސްދޭ "ކޮފީ ވިތު ކަރަން" ގައި ބައިވެރިވެފައެވެ. މި ޝޯ ގައި އޭނާ ބައިވެރިވީ އޭނާގެ ކުރިއަށް އޮތް ފިލްމް "ލާލް ސިންގް ޗައްޑާ' ގެ ޕްރޮމޯޝަނަށް، ފިލްމުގެ ބަތަލާ ކަރީނާ ކަޕޫރް ޚާނާ އެކުގައިއެވެ.
މި ޝޯގައި އާމިރު ވަނީ އޭނާގެ އަމިއްލަ ދިރިއުޅުމުގެ ގިނަ ވާހަކަތަކެއް ވެސް ހިއްސާކޮށްފައެވެ. އެގޮތުން އޭނާގެ ކުދިންނާއި އަދި ކައިވެނިތަކާ ބެހޭގޮތުންވެސް އޭނާ ވަނީ ވާހަކަދައްކާފައެވެ.
View this post on Instagram
އާމިރު ފިލްމު ކުޅެން ފެށުމުގެ ކުރިން އޭނާ އުޅުނީ ކައިވެނި ކޮށްގެނެވެ. އާމިރާއި ރީނާ ދައްތާ ކައިވެނި ކުރީ 1986 ވަނަ އަހަރުއެވެ. އެކައިވެނިން އޭނާއަށް ވަނީ ދެ ކުދިންވެސް ލިބިފައެވެ.
އެއީ މިހާރު ބޮޑެތިވެފައި ތިބި ކުދިންނެވެ. ދޮށީ ދަރިފުޅު ޖުނައިދަށް 29 އަހަރެވެ. އަދި ހަގު ދަރިފުޅު އިރާ ޚާނަށް 25 އަހަރެވެ. މީގެ އިތުރުން އޭނާގެ ދެވަނަ ކައިވެނިން އާޒާދް ކިޔާ 10 އަހަރުގެ ކުއްޖެއްވެސް ހުރެއެވެ.
View this post on Instagram
މި ޝޯގައި ވާހަކަ ދައްކަމުން އާމިރު ބުނީ ދޮށީ ދެކުދިންނާ އެކުގައި ގިނަ ވަގުތު ހޭދަ ނުކުރެވުމުން އެކަމާ މިހާރު ވަރަށް ދެރަވާ ކަމަށެވެ. އަދި އެކުދިންނާއެކު ގިނަ ވަގުތު ތަކެއް ހޭދަކުރެވުނު ނަމަ ހާދަ ރަނގަޅުވީހޭ ހިތަށް އަރާ ކަމަށް އާމިރު ވަނީ ބުނެފައެވެ.
ނަމަވެސް މިހާރު އޭނާއަކީ މުޅިން ތަފާތު މީހެއް ކަމަށާއި މިހާރު ވީހާވެސް ގިނަ ވަގުތެއް އާއިލާއާ އެކުގައި ހޭދަކުރާ ކަމަށް އޭނާ ވަނީ ބުނެފައެވެ. އެއީ ފުރަތަމަ އަންހެނުން ރީނާ އާއި އޭނާގެ އާއިލާ އާއި ދެވަނަ އަނބި ކިރަން އާއި އޭނަގެ އާއިލާގެ އިތުރުން އޭނާގެ ކުދިންނާއި އަދި އާމިރުގެ އާއިލާ ދައްތަމެންނާއެކު ވަގުތު ހޭދަކުރަކަމަށް ވަނީ ބުނެފައެވެ.
