ކާމިޔާބު ފިލްމުތަކެއް ގެެނެސްދީފައިވާ ޑައިރެކްޓަރ އަދި އެކްޓަރ ފަރްހާން އަޚްތަރްގެ ފިލްމް "ޖީލޭ ޒަރާ"ގެ ޝޫޓިން އަންނަ އަހަރު ފަށާނެ ކަމަށް ފިލްމުގެ އެއް ބަތަލާ އާލިއާ ބަޓް ބުނެފިއެވެ.
މި ފިލްމް އަކީ ބޮލީވުޑްގެ އޭ ލިސްޓްގެ ތިން ބަތަލާ އިންނާ އެކުގައި ފަރްހާން ހަދާ ރޯޑް ޓްރިޕް ފިލްމެކެވެ. ފިލްްމުން އާލިއާއާ އެކުގައި ދެން ފެނިގެންދާނީ ޕަރިޔަންކާ ޗޯޕްރާ އަދި ކެޓްރީނާ ކައިފްއެވެ.
މި ތިން ތަރިން އެކުގައި ފެނިގެންދާ އަލަތު ފިލްމުގެ ޝޫޓިންގ އަންނަ އަހަރު ފަށާއިރު މި ފިލްމުން ފެނިގެންދާ އެހެން ތަރިން އަދި ހާމައެއް ނުކުރެއެވެ.
View this post on Instagram
ފިލްމުގެ މަސައްކަތާ މެދުގައި ސުވާލު އުފެދިފައިވާ ދަނޑިވަޅެއްގައި އާލިއާ މިކަން ކަށަވަރު ކޮށްދީފައިވާއިރު އާލިއާ އިނީ އޭނާގެ އަލަތު ދަރިއަށް ބަލިވެއެވެ.
މީގެ އިތުރުން ޕްރިޔަންކާއަށް ވެސް ވަނީ ކުއްޖަކު ލިބިފައެވެ. މިހާރު ހަ މަހުގެ މާލްތީ އަކީ ޕްރިޔަންކާ ސަރޮގަސީ ކޮށްގެން ހޯދި ކުއްޖެކެވެ.
މިދިއަ އަހަރު އެކްޓަރ ވިކީ ކޯޝަލްއާ ކައިވެނި ކުރިފަހުން ދޭތެރެ ދޭތެރެއިން ކެޓްރީނާ ވެސް މަންމަ އަކަށް ވާންއުކޭ ކަމަށް އަންނަނީ ވާހަކަތައް ފެތުރެމުންނެވެ.
View this post on Instagram
އަންހެން ތިން އެކުވެރިންގެ ވާހަކަ ކިޔައިދޭ މި ރޯޑް-ޓްރިޕް ފިލްމަކީ ފަރުހާނާއި ރިތޭޝް ސިދުވާނީގެ އެކްސެލް އެންޓަޓައިންމަންޓުން ހަދާ ފިލްމެކެވެ. މިއީ ޒޯޔާ އަޚްތަރާއި ރީމާ ކަގްޓީ ލިޔެފައިވާ ވާހަކައަކަށް ހަދާ ފިލްމެކެވެ.
