ސައުތުގެ މަޝްހޫރު އެކްޓަރު ނާގަ ޗައިތަނިޔާ މިހާރު އެންމެ ބިޒީވެގެން އުޅޭ އެއް މަސައްކަތަކީ އޭނާގެ ކުރިއަށް އޮތް ފިލްމުގެ ޕްރޮމޯޝަން ގެ މަސައްކަތެވެ. ބޮލީވުޑަށް އޭނާ ތައާރަފް ވާ ފިލްމް އަކީ "ލާލްސިންގ ޗައްޑާ" އެވެ.
މި ފިލްމް އަކީ ބޮލީވުޑްގެ ޕާފެކްޝަނިސްޓްގެ ގޮތުގައި މަޝްހޫރު އެކްޓަރު އާމިރު ޚާންގެ ފިލްމެކެވެ. ލީޑުން ފެނިގެން ދާނީ އާމިރުއާއި އެކުގައި ކަރީނާ ކަޕޫރެވެ. ފިލްމްގެ ޕްރޮމޯޝަންގައި އެހެން ތަރިންނެކޭ އެއްގޮތަށް ޗައިތަނިޔާ އަންނަނީ ވަރަށް އަވަދިނެތި އުޅެމުންނެވެ.
ޕްރޮމޯޝަން ހަރަކާތްތަކުގެ ތެރެއިން ފިލްމަށް ފޯކަސް ކުރުމުގެ ބަދަލިގައި ގިނަ ނޫސްވެރިން ސުވާލު ކުރުމުން އަންނަނީ އޭނާގެ ޕާސަނަލް ލައިފް އާއި ގުޅޭގޮތުންނެވެ. އެގޮތުން މިދިއަ އަހަރު އޭނާގެ ކައިވެނި ރޫޅިފައިވާތީ ގިނަ ނޫސްވެރިންގެ ސުވާލުތަށް ހުރީ އެދިމާއަށެވެ.
View this post on Instagram
ނާގަ ޗައިތަނިޔާ އާއި ސަމަންތާ ރޫތު ޕަރަބޫ ކައިވެނި ކުރީ 2017 ވަނަ އަހަރުއެވެ. އަދި އެކައިވެނި ވަނީ 2021 ގައި ނިމުކަށް އައިސްފައެވެ. ޗައިތަނިޔާ އަކީ ސައުތުގެ މަޝްހޫރު ފިލްމީ އާއިލާ އަކަށް ނިސްބައިވާ އެކްޓަރެކެވެ. ނަމަވެސް ޗައިތަނިޔާއަށް ވުރެ ސަމަންތާގެ މަޝްހޫރު ކަން މިހާރު މާބޮޑެވެ.
މި ސުވާލުތައް ވަނީ އެންމެ ފަހުން ސަމަންތާ ބައިވެރިވި "ކޮފީ ވިތު ކަރަން" ގެ ޝޯގައި ވެސް ކޮށްފައެވެ. މި ޝޯގެ އެޕިސޯޑެއްގައި ވާހަކަ ދައްކަމުން ސަމަންތާ ބުނެފައިވަނީ ވަރިވާން ނިންމި ނިންމުމަކީ އަމިއްލަ ނިންމުމެއް ކަމަށާއި އެކަމާ ރިގްރެޓް ނުކުރާ ކަަމަށެވެ. އަދި ދެމީހުން އެކުގައި ފިލްމެއްގައި މަސައްކަތް ކުރަން ލިބިއްޖެ ނަމަ ފުރުސަތު ދޫކޮށް ނުލާނެ ކަމަށް ވަނީ ބުނެފަވެ. އެމީހުންނަށް ޕްރޮފެޝަނަލްކޮށް އެކުގައި އަދިވެސް މަސައްކަތް ކުރެވޭނެ ކަމަށް ވަނީ ބުނެފައެވެ.
View this post on Instagram
ނާގަ ޗައިތަނިޔާގެ ވާހަކަތަށް ވެސް ހުރީ ހަމަ މިފަދައިންނެވެ. އޭނާ ބުނީ ސަމަންތާ އާއެކުގައި ފިލްމެއް ކުޅެން ލިބިއްޖެ ނަމަ ދޫކޮށް ނުލާނެ ކަމަށެވެ. އަދި އޭނާގެ ޕާސަނަލް ވާހަކަ އަކީ މައުލޫއަކަށް ހަދައިގެން ނުދެއްކުމަށް އޭނާ ވަނި ބުނެފައެވެ. އަދި ޕާސަނަލް އާއި ޕްރޮފެޝަނަލް އެ ދޭތި އެއް ނުވާނެ ކަމަށްވެސް އޭނާ ވަނީ ބުނެފައެވެ.
ޗައިތަނީޔާ ބޮލިވުޑަށް ނުކުންނަ ފިލްމު "ލާލް ސިންގް ޗައްޑާ" ރިލީޒް ކުރުމަށް ތާވަލް ކޮށްފައިވަނީ މިމަހުގެ 11 ވަނަ ދުވަހަށެވެ.
