ބޮލީވުޑްގެ ޒުވާން ބަތަލާ އަނަންނިޔާ ޕާންޑޭއަށް ބޮލީވުޑްގެ ކިންގް ގެ ގޮތުގައި މަޝްހޫރު ޝާހުރުކް ހާންގެ ދޮށީ ފިރިހެން ދަރިފުޅު އާރިޔާން ހާން ވަރަށް ކަމުދާ ކަމަށް ބުނެފިއެވެ.

މިގޮތަށް އަނަންނިޔާ ބުނެފައިވަނީ އެންމެ ފަހުން ކަރަން ޖޯހަރު ގެެނެސްދޭ ޓޯކް ޝޯވ "ކޮފީވިތް ކަރަން" ގެ 7 ވަނަ ސީޒަންގެ އެންމެ ފަހު އެޕިސޯޑުގައި ވާހަކަ ދައްކަމުންނެވެ. މި އެޕިސޯޑުގައި ބައިވެރިވެފައިވަނީ އަންނަނިޔާ އާއި އެކު އޭނާ ގެ ކުރިއަށް އޮތް ފިލްމް "ލިންގާ" ގެ ކޯސްޓާ ވިޖޭ ދެވަރޮކަންޑާއެވެ.

ޝޯވގައި ދެއްކި ވާހަކަތަކުގެ ތެރެއިން އަނަނިޔާ ވަނީ އޭނާގެ ފުރާވަރުގެ ކްރަޝްއާއި ބެހޭގޮތުން ވާހަކައްދައްކާފައެވެ. ތެރޭގައި އަނަންޔާ، 23، ބުނީ ފުރާވަރު ދުވަސްވަރުގެ އެންމެ ބޮޑަށް ހިތްކިޔައިގެން އުޅުނީ އަރިއަން، 24، އަށް ކަމަށެވެ.

 

View this post on Instagram

 

A post shared by Ananya 💛💫 (@ananyapanday)

އަނަނިޔާ އަކީ ޝާހްރުކްގެ އަންހެން ދަރިފުޅު ސުހާނާ ޚާންގެ ވެސް ވަރަށް ގާތް އެކުވެރިއެކެވެ. މިދިޔަ އަހަރު އާރިއަން މަސްތުވާތަކެތީގެ ތުހުމަތެއްގައި ހައްޔަރުކޮށް، އެ މައްސަލަ ބެލިއިރު ނާކޮޓިކްސް ކޮންޓްރޯލް ބޯޑުން ވަނީ އަނަނިޔާއާއިވެސް ސުވާލުކޮށްފައެވެ. އަދި އާރިޔަން ދުވަސްތަކެއް ޖަލުގައި ހޭދަވިސް ކުރިއެވެ. ނަމަވެސް މިހާރު އޭނާގެ މައްޗަށް ކުއްސާބިތު ނުވާކަމަށް ބުނެ އޭނާ ހުރީ އެ ހުރިހާ ތުހުމަތު ތަކުން ވީއްލިފައިއެވެ.

 

View this post on Instagram

 

A post shared by Ananya 💛💫 (@ananyapanday)

ކުރިން އަނަންޔާ ރައްޓެހިވެގެން އުޅުނީ ޝާހިދު ކަޕޫރްގެ ކޮއްކޮ އިޝާން ކައްޓަރުއާއިއެވެ. ނަމަވެސް ވައިބް ދިމާ ނުވާ ކަމަށް ބުނެ އެމީހުން ވަނީ މިއަރަު ކުރީކޮޅުގައި ރުޅިވެފައިއެވެ.

އިޝާން އާއި ރުޅިވުމަށްފަހު އަނަންނިޔާ ވަނީ އެކްޓަރު އަދިއްތިޔާ ރޯއީ ކަޕޫރާއި ލޯބީގެ ގޮތުން ގުޅިފައި ކަމަށް ބޮލީވުޑްގެ ހަބަރުތަށް ގެނެސްދޭ ނޫސްތަކުން ވަނީ ބުނެފައިއެވެ. ނަމަވެސް އަދިއްޔާވެސް އަދި އަނަންނިޔާ ވެސް މިހަބަރު ކަށަވަރު ކޮށެއް ނުދެއެވެ.