ފާއިތުވެދިޔަ ޖޫންމަހު ލީކްވި، އެއް ޖިންސުން ގުޅުންހިންގާ ވީޑިއޯތައް އާންމު ވެގެންދިޔަޔަތާ މަހެއްހާ ދުވަސް ފާއިތުވެގެން ދިއުމަށްފަހު، ސަރުކާރުން އެންމެ ފަހުން މިވަނީ އެ ވީޑިއޯތަކުން ފެންނަކަމަށް ބުނާ މީހުން ހައްޔަރުކޮށްފައެވެ. އަދި ކޯޓުން މިހާރުވަނީ އެމީހުންގެ ބަންދުގެ މުއްދަތުވެސް ޖަހާފައެވެ.

މީގެ ތެރޭގައި، މިހާތަނަށް އާންމުވެގެން ގޮސްފައިވާ ވީޑިއޯތަކުން ފެންނަ، ފުލުހުން ހިންގާފައިވާ ތަހުގީގުތަކުން އެއީ ކޮންބަޔަކުކަން ދެނެގަނެވިފައިވާ މީހުން ހިމެނޭކަމަށް ފުލުހުން ވަނީ ބުނެފައެވެ. އޭގެ ތެރޭގައި އެގެން ހުރި ބައެއް މީހުންނަކީ، މަޖިލިސް ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރުގެ އިތުރުން ރައްޔިތުންގެ މަޖިލިހުގެ ކުރީގެ މެމްބަރު ކާނަލް މުހައްމަދު ނަޝީދާއި، ނޫސްވެިޔާ ނަސީރުގެ އިތުރުން އެއްޖިންސުން ގުޅުންހިންގާ ވީޑިއޯތަކުން ފެންނަކަމަށް ބުނާ ފުލުހުންގެ މީހާއެވެ.

މަޖިލިސް ރައީސް މުހައްމަދު ނަޝީދުގެ ކޮއްކޮ ނާޒިމް ސައްތަރު ހައްޔަރު ކޮށްފައިވަނީ، ފިލައިގެން ގޮސް ރިސޯޓެއްގައި ހުއްޓައެވެ. މީގެ އިތުރުން މި އަމަލުތައް ހިންގުމުގައި އެންމެ އިސްކޮށް ހަރަކާތްތެރި ވެފަައިވާ ބަންގަލްދޭޝްގެ އެމްޑީ އަމަލްގިރިވެސް މިހާރު ފުލުހުން ވަނީ ހައްޔަރު ކޮށްފައެވެ.

ފުލުހުން ބުނެފައިވަނީ މި މީހުންގެ އިތުރުންވެސް، ވީޑިއޯތަކުން ފެންނަކަމަށް ބުނާ އެހެންމީހުން ހައްޔަރު ކުރުމަށް ހިންގު އޮޕަރޭޝަންގެ ތެރެއިން، ވޯޑިއޯތަކުން ފެންނަ އެހެން މީހުންވެސް ހައްޔަރު ކުރަމުން ގެންދާނޭ ކަމުގައެވެ.

އެއްޖިންސުން ގުޅުން ހިންގުމަކީ ގާނޫނުލް އުގޫބާތުން ބޮޑެތި އަދަބުތަކެއް ކަނޑައެޅިފައިވާ ކުށަކަށް ވުމާއެކު، މި އަމަލު ހިންގި މީހުން ހައްޔަރު ކުރުމަށް އާންމުންވަނީ އެތައް ދުވަހެއް ވަންދެން ސަރުކާރަށް ޕްރެޝަރު ކޮށްފައެވެ. މީގެ އިތުރުން، އާންމު ވެފައިވާ ވީޑިއޯތަކުން ފެންނަ މީހުންގެ ތެރޭގައި ސިޔާސީ އިސް ފަރާތްތަކުގެ އާއިލީ މީހުންނާއި ސިޔާސީ ޕާޓީތަކުގައި އިސްކޮށް ހަރަކާތްތެރިވާ ބައެއް މީހުން ހިމެނުމާއެކު، މިއަމަލު ހިންގިކަމަށް ބުނާ މީހުން ހިފާ ހައްޔަރު ކުރުމަށް ސަރުކާރަށް އޮތް ޕްރެޝަން އިންތިހާއަށް މަތިވެގެން ދިޔަކަން މިފުރުސަތުގައި ފާހަގަ ކޮށްލާން ޖެހެއެވެ.

ނަޝީދުގެ ރުޅިވެރިކަން އަމާޒުވީ ރައީސް ސާލިހަށް!

އެއްޖިންސުން ގުޅުން ހިންގި މީހުންގެ ތެރޭގައި ރައްޔިތުންގެ މަޖިލިހުގެ ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރު ހިމެނިގެން ދިއުމާއެކު، މިމައްސަލަ އެކަށީގެންވާ ގޮތެއްގައި ސަރުކާރުން ތަހުގީގު ކޮށްފާނެ ކަމާމެދު ގިނަ ބަޔަކު ދިޔައީ ޝައްކުގެ ނަޒަރަކުން ދެކެމުންނެވެ.

އޭގެ އެންމެ ބޮޑު އެއް ސަބަބަކަށް ވެގެން ދިޔައީ، ވީޑިއޯތައް އާންމު ވެގެން ދިއުމާއެކު މި ވީޑިއޯތަކުން ފެންނަ މީހުންނާ މެދު ޝައްކު އުފައްދަވާ، މިއީ އަސްލެއް ނޫންކަމަށް މޭރުން ކުރެވޭ ގޮތަށް ނަޝީދު ވާހަކަ ދައްކަވާފައި ވާތީއެވެ. އަދި އެއަށްފަހު އެތައް ދުވަހެއް ފާއިތުވެގެން ދިޔައިރުވެސް މި މީމިހުން މުޖުތަމަޢަށް ދޫވެފައި ތިބުމުގެ ސަބަބުންވެސް މެއެވެ.

އެހެންނަމަވެސް، ފާއިތިވެދިޔަ ހަފްތާގައި، އެއްޖިންސުން ގުޅުން ހިންގި މީހުން ހައްޔަރު ކުރުމަށް ފުލުހުން ހިންގި ޚާއްސަ އޮޕަރޭޝަނެއްގައި، ލީކުވެފައިވާ އެއްޖިންސުން ގުޅުން ހިންގާ ވީޑިއޯތަކުން ފެންނަމީހުން ސަރުކާރުން ހައްޔަރު ކުރުމާއެކު ގިނަބަޔަކު ސަރުކާރަށް ތައުރީފުކޮށް މިމަކަމަށް ތާއީދު ކޮށްފައި ވާކަން މިފުރުސަތުގައި ފާހަގަ ކޮށްލާން ޖެހެއެވެ.

އެހެންނަމަވެސް، އެއާ ޚިލާފަށް، އެއްޖިންސުން ގުޅުން ހިންގާ ވޯޑީއޯތަކުން ފެންނަ މީހުންގެ ތެރޭގައި ހިމެނޭ، މަޖިލިސް ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރު ފުލުހުންގެ ބެލުމުގެ ދަށަށް ގެންދެވުމާއެކު ފާހަގަވެގެން ދިޔައ އެއްކަމަކީ، ނަޝީދުގެ ރުޅިވެރިކަން ފަޅަފަޅައިގެން ދިޔަ ދިއުމެވެ.

މިގޮތުން ނާޒިމް ސައްތާރު ފުލުހުންގެ ބެލުމުގެ ދަށަށް ގެންދެވުމާއެކު ނަޝީދު އިނގިރޭސި ބަހުން ޓުވީޓު ކުރައްވާފައިވަނީ، "އެއްޖިންސުން ގުޅުން ހިންގި މައްސަލާގައި އޭނާގެ ކޮއްކޮ ހައްޔަރު ކޮށްފައިވާކަމަށާއި، އިބުރާހިމް މުހައްމަދު ސާލިހުގެ ސަރުކާރު އޭނާގެ ކޮއްކޮ ހައްޔަރު ކޮށްފައިވަނީ ދީނީގޮތުން ހައްދުފަހަނަ އެޅި މީހުންގެ ޕްރެޝަރަށް، ގަވާއިދަކާއި ޚިލާފަށް" ކަމުގައެވެ.

ގިނަ ބަޔަކު ދެކުނު ގޮތުގައި އޭނާގެ ކޮއްކޮ ފުލުހުން ހައްޔަރު ކުރުމާއެކު ރަސްމީ ޓުވިޓަރ އެކައުޓުން އިނގިރޭސިބަހުން ކުރެއްވި މި ޓުވީޓުގެ ހަގީގީ ބޭނުމަކީ، ފުލުހުން އޭނާގެ ކޮއްކޮ ހައްޔަރު ކުރުމާ ދެކޮޅަށް، އެއްޖިންގުޅުން ހިންގުމުގެ މިނިވަންކަމަށް ވަކާލާތުކުރާ މީހުންގެ ތާއީދު ހޯދުމެވެ.

އަދި އެއަށްފަހު، "ރުޅި ކޮންޓްރޯލް" ނުކުރެވި، ނަޝީދު ގެންދަވަނީ، އެމްޑީޕީގެ ވަޓްސްއަޕް ގުރޫޕްތަކުގައި، ރައީސް ސާލިހަށް އަމާޒުކޮށް، ސާބިތު ނުހިފޭ އެތަކެއް ތުހުމަތުތަކެއް ކޮށް، ރައީސް ސާލިހަށް ބިރުވެސް ދައްކަމުންނެވެ. މީގެތެރޭގައި، ރައީސް ސާލިހު އަންހެން ކުއްޖަކާއެކީ ޖިންސީ ގުޅުން ހިންގާ ފޮޓޯތަކެއް އޭނާގެ އަތުގައި ހުރި ކަމަށާއި، ފޮޓޯތައް ލީކް ކޮށްލާނޭ ކަމަށް އިންޒާރު ދީފައި ވެއެވެ. އަދި، ބިނަބަޔަކު ތުހުމަތު ކުރާ ގޮޔުގައި ނަޝީދު މިހާރު ގެންދަނީ، އޭނާއަށް ތާއީދުކުރާ ސޯޝަލް މީޑިއާގެ ބައެއް އެކްޓިވިސްޓުން މެދުވެރިކޮށް، ސޯޝަލް މީޑިއާގައިވެސް ރައީސް ސާލިހުގެ އަގު ވެއްޓުމަށްޓަކާ އެތައް މަސައްކަތްތަކެއް ކުރަމުންކަން މި ފުރުސަތުގައި ފާހަގަ ކޮށްލާންޖެހެއެވެ.

ފޮޓޯތަކެއްވެސް ނުދެއްކޭ! ބޭނުމަކީ ޕްރެޝަރ ކޮށްގެން ނާޒިމް ސައްތާރުގެ މައްސަލަ އޮއްބާލުން؟

ފުލުހުން ނަޝީދުގެ ކޮއްކޮ ނާޒިމް ސައްތާރު ހައްޔަރު ކުރުމާއެކު، ސީދާ ރައީސް ސާލިހަށް ބިރު ދެކުމަށް ނަޝީދު އެމްޑީޕީގެ ވަޓްސްއަޕް ގުރޫޕުގައި ދައްކަންފެށި ވާހަކަތަކަށް ރައްދު ދީ، އެމްޑީޕީގެ ބައެއް މަޖިލިސް މެމްބަރުންވަނީ، ނަޝީދު އަތުގައި ހުރިކަމަށް ބުނާ ފޮޓޯތައް ވަޓްސްއަޕް ގުރޫޕަށް ލުމަށްވެސް ނަޝީދަށް ގޮވާލައްވާފައެވެ.

އަދި ސަރުކާރުންވަނީ، ނަޝީދު ހައްދަވަމުން ގެންދަވަނީ "ބުހުތާނު ދޮގު" ކަމަށް ވިދާޅުވެ، ނަޝީދުވެ ވާހަކަތައް ދޮގުވެސް ކޮށްފައެވެ.

އެހެންނަމަވެސް، މިހާރު ފެންނަމުން ދަމީ، ސޯޝަލް މީޑިއާގައި ފޭކް އެކައުންޓުތައް ހަދާ، ރައީސް ސާލިހުގެ ބޮލުގައި ދޮގު އިލްޒާމްތައް އެޅުވުމަށް ކުރެވެމުންދާ މަސައްކަތްތަކެވެ. ގިނަ ބަޔަކު ތުހުމަތު ކުރާ ގޮތުގައި، ނަޝީދުގެ ކޮއްކޮ ނާޒިމް ސައްތާރު ހައްޔަރު ކުރުމާއެކު، ރައީސް ސާލިހުގެ އަގު ވައްޓާލެވޭތޯ ކުރެވެމުންދާ މަސައްކަތްތަކުގެ ފަހަތުގައި ހުރީ މަޖިލިސް ރައީސް މުހައްމަދު ނަޝީދެވެ.

ކޮންމެއަކަސް، ފެންނަމުންދާ ހަގީގަތްތަކުން ހާމަވަމުންދާ އެއްކަމަކީ، މަޖިލިސް ރައީސް މުހައްމަދު ނަޝީދުގެ ކޮއްކޮ އެއްޖިންސުން ގުޅުން ހިންގި ކަމުގެ ތުހުމަތުގައި ފުލުހުން އޭނާ ހައްޔަރު ކުރުމާއެކު، ނަޝީދު އިސްވެ ހުންނަވާ، ދޮގު ތުހުމަތުތަކެއް ކޮށް، ރައީސް ސާލިހު ބްލެކް މެއިލް ކުރުމަށް ކުރަމުންދާ މަސައްކަތްތަކެވެ. މީގެ ހަގީގީ މަގްސަދެއްގެ ގޮތުގައި ގިނަ ބަޔަކު ތުހުމަތު ކުރަނީ، ރައީސް ސާލިހަށް ބިރު ދައްކައިގެން، އަމިއްލަފުޅު ކޮއްކޮގެ މައްސަލަ އޮއްބާލުމަށް ނަޝީދު މަސައްކަތް ކުރައްވަމުން ގެންދަވާ މަސައްކަތްތަކެވެ.

އިންސާފާއި ހަމަހަމަ ކަމާއި، އަދުލު އިސާފަށް މުޅި ހަޔާތް ގުރުބާން ކުރިކަމަށް މެޑަޖަހަމުން އައި މީހަކު އެންމެ ފަހުން އޭނާގެ އަސްލު ސޫރަ ހާމަ ކޮށްފި ކަމުގައި މިއަދު ގިނަބަޔަކު ދަނީ ބުނަމުންނެވެ.

އަދި ދިވެހި މުޖްތަމައު ދުވަހަކުވެސް ބަލައި ނުގަންނާނޭ ފާޙިޝް އަމަލްތަކެއް ހިންގިކަމަށް ތުހުމަތު ކުރެވޭ މި މައްސަލާގައި ރައީސް ސާލިހު ދައްކަވަމުން ގެންދަވާ ސާބިތުކަމަށް، ގިނަ ބައެއް ތައުރީފް އޮހެމުންދާކަމީވެސް ކަށަވަރުވެ ޔަގީންވާން އޮތް ކަމެކެވެ.