ބޮލީވުޑުން މިހާތަނަށް ގެނެސްދިން އެންމެ ކާމިޔާބު އެއް ފިލްމު އަދި މިހާރުވެސް ފަނޑުވުމެއްނެތް ޝާހްރުކް ޚާން އާއި ކާޖޮލްގެ "ދިލްވާލޭ ދުލްހަނިޔާ ލޭޖައެނގޭ" ގެ އެންމެ ހިޓް ރޭލުގެ މަންޒަރު ޝާހިދު ކަޕޫރު އާއި އަންހެނުން މީރާ ރާޖްޕޫތު ރިކްރިއޭޓް ކޮށްފިއެވެ.
އެގޮތުން ފިލްމުގެ އެންމެ ހާއްސަ އެއް މަންޒަރު ކަމުގައިވާ ރޭލުގެ ފަހަތުން ސިމްރަން (ކާޖޮލް) ދުވެފައިގޮސް (ރާޖް) ޝާހްރުކްގެ އަތުގައި ހިފާ މަންޒަރަކީ އެފިލްމްގެ އެންމެ މުހިންމު އަދި އެންމެ ގިނަބަޔަކަށް ކަމުދިޔަ މަންޒަރެވެ.
އެކަހަލަ ގޮތަކަށް މި މަންޒަރު ޝާހިދު އަދި މީރާ ވަނީ އަލުން ރި ކްރިއޭޓް ކޮށްފައެވެ. މިވަގުތު ޝާހިދާއި އަންހެނުން މީރާ އަންނަނީ ސްވިޒްލޭންޑްގައި ޗުއްޓީ ހޭދަކުރަމުންނެވެ. މި ފޮޓޯ ނަގާފައި ވަނީ ޗުއްޓީގެ ތެރެއިންނެވެ.
އެ ދެމީހުން އަންނަނީ އެމީހުން ޗުއްޓީ ހޭދަކުރަމުން އަންނަ ފޮޓޯތަކާއި ވީޑިއޯތައް ފޭނުންނާ ހިއްސާ ކުރަމުންނެވެ.
View this post on Instagram
ޝާހިދު އެންމެ ފަހުން ފެނިގެން ގޮސްފައިވަނީ ފިލްމް ޖާޒީ އިންނެވެ. އޭނާ އަންނަނީ އޯޓީޓީ ޕްލެޓް ފޯމަށް ތައާރަފްވާ ވެބް ސީރީޒްގެ މަސައްކަތް ވެސް ކުރަމުންނެވެ.
ޝާހިދުގެ އަލަތު ވެބް ސީރީޒް ޑައިރެކްޓް ކުރަނީ ފަރްޒީއެވެ. ނަމަވެސް މި ސީރީޒް ދައްކަން ފަށާނެ ތާރީހެއް އަދި އިއުލާނެއް ނުކުރެއެވެ.
