މީގެ ދެމަހެއްހާ ދުވަސް ކުރިން ބޮލީވުޑްގެ މަޝްހޫރު އެކްޓަރު ޝާހުރުކް ޚާންގެ ދަރިފުޅު އާރިޔާން ޚާންގެ މައްޗަށް ކުރި މަސްތުވާ ތަކެތީގެ ތުހުމަތު ތަކުން އޭނާވަނީ ސަލާމަތް ވެފައެވެ.
އަދި ދެތިން ހަފްތާއެއް ކުރިން ކޯޓުން ވަނީ ހިފަހައްޓައިފާ އޭނާގެ ޕާސްޕޯޓްވެސް ދޫކޮށްލާފައެވެ.
މިދިޔަ އަހަރުގެ އޮކްޓޫބަރު 2 ވަނަ ދުވަހު އާރިޔަން ހައްޔަރުކުރީ ކްރޫޒް ލައިނާއެއްގައި މަސްތުވާތަކެއްޗާ އެކު ޕާޓީކުރި ބައެއްގެ ތެރެއިންނެވެ. ހައްޔަރު ކޮށް ޖަލުގައި ގެންގުޅުމަށް ފަހު އޭނާ ދޫކޮށްލާފައި ވަނީ އޮކްޓޫބަރު 30ގަ އެވެ. އޭނާ އާއެކު ޖުމްލަ 14 މީހަކު ހައްޔަރު ކުރިއެވެ.
އޭނާގެ މައްޗަށް އުފުލި ދައުވާތަކަށް އެކަށީގެންވާ ވަރަށް ހެކި ނެތް ކަމަށް ބުނެ ދައުވާތައް ކުރިއަށް ނުގެންދަން ނިންމައި އޭނާ ވަނީ މިނިވަން ކޮށްފައެވެ.
އާރިޔާން ޚާން މިނިވަން ކޮށް މާގިނަ ދުވަސްތަކެއް ނުވަނީސް އަނެއްކާ ވެސް ޕާޓީކުރަން ފަށާފައިވާ ކަމަށް ޚަބަރުތަށް ބުނެއެވެ. އެގޮތުން އޭނާ ވަނީ ކްލަބަކުން ފެނިގެން ގޮސްފައެވެ.
ޑްރަގްގެ މައްސަލާގައި ހައްޔަރު ކުރުމުން ނަސްފާނީ ގޮތުން އާރިޔާނަށް ވަރަށް ބޮޑަށް އަސަރުކޮށްފައިވާ ކަމަށާއި މީހުންގެ ތެރެއަށް ނުކުމެ އުޅުމަށްވެސް ބޭނުން ނުވާ ކަމަށް ބުނެފައިއެވެ.
ނަމަވެސް މިޙާރު މަޑުމަޑުން މީހުންގެ ތެރެއަށް ނުކުމެ ޕާޓީ ކުރުމާއި ސޯޝަލައިޒް ވަމުން އަންނަ ކަމަށް ރިޕޯޓުތައް ބުނެއެވެ.
އާރިޔާން ޚާނަކީ ބޮލީވުޑްގެ ސުޕަރސްޓަރ ޝަހުރުކް ޚާންގެ ތިންކުދިންގެ ތެރެއިން ދޮށީ ފިރިހެން ދަރިފުޅެއެވެ. ދެން ޝާހުގެ ހުންނަނީ ސުހާނާ ކިޔައި އަންހެން ދަރިއަކާއި އިބްރާހިމް ކިޔާ ކުޑަ ފިރިހެން ކުއްޖެކެވެ.
