ކަރީނާ އިނީ ތިން ވަނަ ދަރިއަކަށް ބަލިވެ ކަމަށް ދެކެވޭ ވާހަކަތަކަށް އޭނާ ރައްދުދީފިއެވެ.
ލަންޑަންގައި އާއިލާއާ އެކުގައި މިހާރު ޗުއްޓީ ހޭދަކުރަމުން އަންނަ ކަރީނާ އަންނަނީ ޗުއްޓީގެ ފޮޓޯތައް ސޯޝަލް މީޑިއާގައި ހިއްސާ ކުރަމުންނެވެ.
އެގޮތުން އެމީހުންގެ ރަހުމަތެރިއަކާއި އެކުގައި ހިއްސާކުރި ފޮޓޯ އަކާއި ގުޅިގެން ކަރީނާ ބަނޑުބޮޑު ކަމަށާއި އޭނާއަށް ތިންވަނަ ދަރިއަކު ލިބެން އުޅޭ ކަމަށް ވަނީ ބައެއް މީޑީއާތަކުން ރިޕޯޓްކޮށްފައެވެ.
އެ ފޮޓޯގަިއ އޭނާގެ ބަނޑު ވަރަށް ބޮޑު ކަމަށް ގިނަ ބަޔަކަށް ވަނީ ގަބޫލު ކުރެވިފައެވެ. އެހެންވެ ކަރީނާ ބަނޑުބޮޑީތޯ، ކޮމެންޓް ކުރި ގިނަ މީހުންވެސް ވަނީ ސުވާލު އުފައްދާފައެވެ.
Kareena and Saif spotted in London with friends pic.twitter.com/HBhGOQvKtm
— Kareena Kapoor Khan (@KareenaK_FC) July 15, 2022
ނަމަވެސް ކަރީނާ ވަނީ އޭނާ ބަނޑުބޮޑު ނޫންކަމަށް ބުނެފައެވެ. ދެކުދިންގެ މަންމަ، ކަރީނާއަކީ ކުރިން ވަރަށް ލޫޅާފަތި ހަށިގަނޑެއްގެ ވެރިއެއް ނަމަވެސް ކުދިން ލިބުނު ފަހުން ކަރީނާގެ ހަށިގަނޑަށް ވަނީ ބޮޑު ބަދަލެއް އައިސް ފަލަވެފައެވެ.
