ހިންދީ ސިނަމާ މިހާތަނަށް ދުށް އެންމެ ކުޅަދާނަ އެއް ބަޠަލާ މަދޫބާލާގެ ހަޔާތުގެ ވާހަކަ ކިޔައިދޭ ފިލްމްއެއް ހަދަން ތައްޔާރުވެއްޖެއެވެ.
މީގެ ކުރިންވެސް މުނިފޫހިފިލުވުމުގެ ޚަބަރު ގެނެސްދޭ ނޫސްތަކުން ވަނީ މަދޫބާލާގެ ހަޔާތުގެ މައްޗަށް ފިލްމެއް ހަދަން އުޅޭކަމުގެ ވާހަކަތައް ފަތުރާފައެވެ. މި ފިލްމު އުފެއްދުމުގެ ފަހަތުގައި ހުރީ އޭނާގެ ކޮއްކޮ މަދޫރް ބްރިޖް ބޫޝަނާއި، ފިލްމު "ޝަކްތީމާން"ގެ ޕްރޮޑިއުސަރުންނެވެ.
ފިލްމާ ގުޅޭ މާގިނަ މައުލޫމާތެއް އަދި އާންމުކޮށްފަ އެއް ނުވެއެވެ. ނަމަވެސް ޚަބަރުތަށް ބުނާގޮތުގައި މަދޫބާލާގެ ރޯލު ކުޅެވޭނެ ފެންވަރުގެ ތަރިއެއް ހޯދުމުގެ މަސައްކަތް އަންނަނީ ކުރަމުންނެވެ. މި ފިލްމުގައި މަދޫބާލާގެ ރޯލަށް ނަގާނީ މިވަގުތު ބޮލީވުޑްގެ އޭ ލިސްޓްގެ ތަރިންގެ ތެރެއިން ތަރިއެކެވެ.
މި ފިލްމު ޑައިރެކްޓް ކުރާނެ މީހަކާއި ސްކްރިޕްޓް ތައްޔާރު ކުރާނެ މީހެއް ހޯދަމުން އަންނަ ކަމަށް ވެސް މަދޫރް ވަނީ ބުނެފައެވެ. މަދޫބާލާއަކީ 1940 އިން ފެށިގެން 1960ގެ އަހަރުތަކާއި ހަމައަށް ހިންދީ ސިނަމާގައި ރަނިކަންކުރި ބަތަލާއެކެވެ.
