ސެލެބްރިޓީންނަކީ ތަފާތު އަގުބޮޑެތި އެއްޗެހި ބޭނުން ކުރާބައެކެވެ. ހާއްސަކޮން އޭލިސްޓްގެ ތަރިނަކީ ވަރަށް ލަގްޒަރީ ލައިފެއް އުޅޭބައެކެވެ.
އެގޮތުން ބޮލީވުޑްގެ އެއް ތަރި ކެޓްރީނާ ކައިފް އޭނާގެ އުފަންދުވަސް ފާހަގަ ކުރުމަށް އައިގޮތަށް އޭނާ ހުރީ އަދިވެސް ރާއްޖޭގައެވެ. މިދަތުރުގައި ފިރިމީހާ އެކްޓަރު ވިކީ ކޯޝަލް އާއި އޭނާގެ ކޮއްކޮ އަދި ދެމީހުންގެ ގާތް ރަހުމަތެރިން ވަނީ ބައިވެރި ވެފައެވެ.
އެމީހުން ރާއްޖޭގައި ކުރާ މަޖާ އަންނަނީ ސޯޝަލް މީޑިއާ މެދުވެރިކޮށް ފޭނުންނާއި ވެސް ހިއްސާ ކުރަމުންނެވެ. އެމީހުން ޗުއްޓީ ހޭދަކުރަމުން އަންނަނީ ސޮނޭވާ ޖާނީގައެވެ. މިމަހުގެ 16 ވަނަ ދުވަހުގައި ކެޓްރީނާ ރާއްޖެއައީ އޭނާގެ 39 ވަނަ އުފަންދުވަސް ފާހަގަ ކުރުމަށެވެ. ރާއްޖެ އައީއްސުރެ ކެޓްރީނާ އަންނަނީ ތަފާތު ފޮޓޯތައް ސޯޝަލް މީޑިއާގައި ހިއްސާ ކުރަމުންނެވެ.
އެގޮތުން އޭނާގެ އުފަންދުވަހުގައި ލައިގެން ހުރި ހެދުމަކީ ވަރަށް ސިމްޕަލް އަދި ކެޓްރީނާ އާއި ވަރަށް ގުޅޭ ހެދުމެކެވެ. ނަމަވެސް އެހެދުމުގެ އަގު އެނގޭ ހެއްޔެވެ.؟؟ ކެޓްރީނާ އޭނާ އުފަންދުވަހުގައި ލީ ހެދުމުގެ އަގަކީ 48193 އިންޑިއަން ރުޕީސްއެވެ. ޑޮލަރުންނަމަ އެއީ 595 ޑޮލަރެވެ.
މި ހުދު ކުލަިއގެ މެކްސީ ޑްރެސް އަކީ ދެފަރާތު ބަނޑުމަތިން ފެންނަ ދިގު މެކްސީއެކެވެ. އަދި ހެދުމުގެ ފަސްބައިވެސް ހުރީ ތިން ދިމާލަކުން ފަޅާލައިފައެވެ. ކޮންމެއަކަސް ކެޓްރީނާ މިހެދުމުގައި "ވަރަށް ލޯބި"އެވެ.
View this post on Instagram
ކެޓްރީނާ ގެ ކުރިއަށް އޮތް ފިލްމް އަކީ "ފޯން ބޫތު" އެވެ. މި ފިލްމް އަޅުވާ ދުވަސް މިހާރު ވަނީ ދެފަހަރަކު ލަސްކޮށްފައެވެ. އެހެން ކަމުން ފިލްމު ރިލީޒް ކުރާނެ ތާރީހް މިހާރު ނޭގެއެވެ.
