ބޮލީވުޑްގެ ތަރިންނަކި ކޮންމެ އަހަރުކުވެސް މަސައްތަކުން އެއްފަރާތްވެ ކުރު ޗުއްޓީތައް ހަދާ ބައެކެވެ. އަހަރަކު ދެތިން ހަތަރު ޗުއްޓީއެއް ނުހަދާ ނަމަ އެމީހުން ހިތްހަމައެއް ނުޖެހެއެވެ.

އެމީހުން ތަފާތު މަންޒިލް ތަކުގައި ޗުއްޓީ ހޭދަކުރުމުގައި އުޅޭ އިރުގައި ފޭނުންނާ ދިމާވާ ކިތަންމެ ފަހަރެއް އާދެއެވެ. އަދި އެންމެ ފޭވަރިޓް ސެލެބްރިޓީން ދާ ތަންތަން ބަލައިގެން އެތަންތަނަށް ޗުއްޓީ ހޭދަކުރަން ދާން ބޭނުންވާ މީހުންވެސް އުޅެއެވެ.

އެންމެ ކަމުދާ ސެލެބްރީޓީއާއި ބައްދަލުކޮށްލަން ބޭނުން ނަމަ ދާންވީ ތަންތަން މިކިޔައިދެނީއެވެ. މިއީ އެންމެ ގިނައިން ބޮލީވުޑްގެ ތަރިން ޗުއްޓީ ހޭދަކުރުމަށް ހިޔާރުކުރާ މަންޒިލް ތަކެވެ.

ލަންޑަނަކީ ގިނަ އަދަދެއްގެ ބޮލިވުޑް ތަރިން މިހާތަނަށް ޗުއްޓީ ހޭދަކޮށްފައިވާ އެެއް މަންޒިލެވެ. މިހާރުވެސް ބައެއް ސެލެބްރިޓީން އަންނަނީ ލަންޑަނުގައި ޗުއްޓީ ހޭދަކުރަމުންނެވެ.

ނިއު ޔޯކަކީ ވެސް ބޮލީވުޑްގެ ސެލެބްރިޓީންގެ މެދުގައި މަގުބޫލު މަންޒިލެކެވެ. ދާދިފަހުން ވަނީ ވިކީ އާއި ކެޓްރީނާ އަދި އާލިއާ ބަޓްވެސް ނިއު ޔޯކް ގައި ޗުއްޓީ ހޭދަކޮށްފައެވެ.

ސްވިޒްލޭންޑަކީ ވެސް ބޮލީވުޑް ތަރިންގެ މެދުގައި މަގުބޫލު ތަނެކެވެ. އެގޮތުން ޝާހިދު ކަޕޫރުގެ އާއިލާ ވަނީ ދާދިފަހުން ސްވިޒްލޭންޑްގައި ޗުއްޓީ ހޭދަކޮށްފައެވެ.

ޕެރިސް އަކީ ވެސް ފަހަކަށް އައިސް ބޮލިވުޑް ސެލެބްރިޓީންގެ މެދުގައި މަގުބޫލު މަންޒިލެކެވެ. އެގޮތުން ބޮލީވުޑްގެ މިހާރު އެންމެ މަގުބޫލު ޖޯޑު ކަމުގައި މަލައިކާ އަރޯރާއާއި އަރުޖުން ކަޕޫރު ވަނި ޕެރިހުގައި ޗުއްޓި ހޭދަކޮށްފައެވެ.

ޔޫރަޕުގެ ގިނަ ގައުމުތަކަށް ފަހަކަށް އައިސް ތަރިން ދިޔަ ނަމަވެސް ބޮލިވުޑްގެ އެންމެ ގިނަ ސެލެބްރިޓީންގެ މެދުގައި ރާއްޖެއަށް އޮތް ލޯބި ކުޑައެއް ނުވެއެވެ. އަބަދުވެސް ރާއްޖޭގައި ބޮލީވުޑްގެ ކޮންމެވެސް ތަރިއެއް ޗުއްޓީ ހޭދަކުރެއެވެ. ރިސޯޓްތަކުގައި މި ތަރިން ޗުއްޓީ ހޭދަކުރާއިރު، އެއްފަހަރަށް ވުރެ ގިނައިން ރާއްޖޭއަށް ޗުއްޓީއަށް އަންނަ ތަރިން މަދެއް ނޫނެވެ.

ސެލެބްރިޓީ އަކާއި ބައްދަލުކޮށްލަން ބޭނުން ނަމަ މިތަނުން ކޮންމެވެސް މަންޒިލެއް ޗުއްޓީ ހޭދަކުރުމުގައި ހިޔާރު ކުރާށެވެ. ފަހަރުގައި އެންމެ ފޭވަރިޓް ބޮލީވުޑް ސެލެބްރިޓީއާ ބައްދަލުކޮށޮލުމުގެ ފުރުސަތު ލިބުމަކީ އެކަށީގެންވާ ކަމެކެވެ.