ބޮލީވުޑްގެ އެންމެ މަގުބޫލު ޑައިރެކްޓަރ/ ޕްރޮޑިއުސަރ ސަންޖޭ ލީލާ ބަންސާލީގެ އަލަތު ވެބް ސީރީޒް "ހީރާމަންޑީ"ގެ ރޯލަކަށް ކުރީގެ ލެޖެންޑަރީ އެކްޓްރެސް މުމްތާޒް ސޮއިކޮށްފިކަމަށް ޚަބަރުތައް ބުނެފިއެވެ.
ބޮޑު ކާސްޓަކާ އެކުގައި ބަންސާލީ ގެނެސްދޭ އޭނާގެ ފުރަތަމަ ވެބް ސީރީޒްގެ ރޯލުން މުމްތާޒް އެބުރި ސްކްރީނަށް އަންނައިރު މުމްތާޒް މި ރޯލަށް އެއަބަސްވީ ގިނަ ބަދަލުތަކެއް އެނާ ކުޅޭ ރޯލަށް ގެެނެސްގެންނެވެ. މުމްތާޒް އަލުން އެނބުރިއައުން ވާނީ ވަރަށް ތާރީހީ ކަމަކަށެވެ.
"ހީރާމަންޑީ" އަކީ ބަންސާލީ އާއި ނެޓްފްލިކްސް ގުޅިގެން އުފައްދާ އެއްޗެކެވެ. މި ވެބް ސީރީޒްގެ ފުރަތަމަ އެޕިސޯޑް ޑައިރެކްޓް ކުރާނީ ބަންސާލީއެވެ. ނަމަވެސް ބާކީ ހުރިހާ އެޕިސޯޑްތަކެއް ޑައިރެކްޓް ކުރާނީ ވީބޫ ޕޫރީއެވެ. ވީބޫ އަކީ 2015 ވަނަ އަހަރުގެ ފިލްމް "ހަވައިޒާދާ"ގެ ޑައިރެކްޓަރެވެ.
ދެ ސީޒަނަކަށް ހަދާ "ހީރާމަންޑީ"ގެ ފުރަތަމަ ސީޒަނުގައި 7 އެޕިސޯޑް ހިމެނެއެވެ. މި ވެބް ސީރީޒް ދައްކަން ފަށާ ދުވަހެއް އަދި ނޭނގެއެވެ. ސީރީޒްގެ އެއް ޕްރޮޑިއުސަރަކީވެސް ބަންސާލީއެވެ.
މި ސީރިޒްގެ މުޅި ކާސްޓް އަދިވެސް ބަންސާލީ ކަަށަވަރު ކޮށެއް ނުދެއެވެ. ނަމަވެސް ރިޕޯޓްތަށް ބުނާގޮތުގައި މި ސީރީޒުން މާދުރީ ޑިކްސިޓް، ޖޫހީ ޗައުލާ، މަނީޝާ ކޮއިރާލާ އަދި ރޭކާ ފަދަ ކުރީގެ އެންމެ މަޝްހޫރު ތަރިން ފެނިގެން ދާނެއެވެ.
