އެއްޖިންސުން ގުޅުންހިންގިކަމުގެ ތުހުމަތުކުރެވޭ ރާއްޖޭ ޓީވީގެ ކުރީގެ ނޫސްވެރިޔާ ޢަބްދުﷲ ނަސީރު އިބްރާހީމް، އެ ޓީވީ ސްޓޭޝަންގެ މެނޭޖިންގ ޑިރެކްޓަރ އަދި ހޯރަފުށީ ދާއިރާގެ މެންބަރު އަޙްމަދު ސަލީމުގެ ދިފާޢުގައި ނުކުތުމުން ގިނަބައެއްގެ ފާޑުކިޔުން އަމާޒުވެއްޖެއެވެ.
ނަޞީރުކަމަށް ތުހުމަތުކުރެވޭ މީހަކު އެއް ޖިންސުން ގުޅުންހިންގާ ވީޑިއޯއެއް އާމުވެފައިވާއިރު، އެ ވީޑިއޯގައި ދެން ހުންނަނީ ހޯރަފުށީ ދާއިރާގެ މެންބަރު އަޙްމަދު ސަލީމްކަމަށް ބައެއް ފަރާތްތަކުން ތުހުމަތުކޮށްފައިވެއެވެ. ނަމަވެސް ސަލީމް ވަނީ އެއީ އޭނާ ނޫންކަމަށް ބުނެ ދޮގުކޮށްފައެވެ.
ނަސީރު އެއްޖިންސުން ގުޅުންހިންގިކަމަށް ތުހުމަތުކުރެވޭ މައްސަލައާއިި ގުޅޭގޮތުން އޭނާ ކުރި ޓްވީޓްގައި ވަނީ ރާއްޖެ ޓީވީގައި 7 އަހަރަށްވުރެ ގިނަ ދުވަހު މަސައްކަތްކޮށް ވަކިވެފައިވާތާ ދޮޅު އަހަރުވެފައިވާކަމަށެވެ. އަދި ރާއްޖެ ޓީވީގެ އެމްޑީ ސައްލެ ހުރިހާ މުވައްޒަފުންނާ އެކުވެސް ބާއްވަމުނާފައިވަނީ ޕްރޮފެޝަނަލް ގުޅުމެއްކަމަށް ނަސީރު ބުންޏެވެ.
ވީޑިއޯ އަކާއި ގުޅުވާ ސައްލެއަށް ނިސްބަތްކޮށް ދިޔަރެސް ގައި ލިޔެފައިވަނީ އެއްވެސް ހަގީގަތެއް އަސްލެއް ނެތް ދޮގު ވާހަކަތަކެއް.
– ނަޞީރު ކުރި ޓްވީޓްގައި ބުންޏެވެ.
މި ޓްވީޓްކުރުމަށްފަހު އަނެއްކާވެސް ނަސީރު ވަނީ އެކައުންޓް ޑިއެކްޓިވޭޓްކޮށްފައެވެ.
ސައްލެގެ ދިފާޢުގައި ނަސީރު ޓްވީޓްކުރުމާއެކު ގިނަ ބަޔަކު ވަނީ ނަސީރު އެއްޖިންސުން ގުޅުންހިއްގާކަމަށް އެއްބަސްވީކަމަށް ތުހުމަތުކޮށް އޭނާއަށް ފާޑުކިޔާފައެވެ.
އެއްޖިންސުން ގުޅުންހިންގާކަމަށް ތުހުމަތުކުރެވޭ ވީޑިއޯ މައްސަލާގައި ޕޮލިސް ކޮމިޝަނަރު މުހައްމަދު ހަމީދަށް މެމްބަރު ސަލީމް ފޮނުއްވި ސިޓީގައި ވިދާޅުވެފައިވަނީ ދިވެހިރާއްޖޭގެ ޤާނޫނުތަކުގައި ކުށެއްކަމަށް ކަނޑައަޅުއްވާފައިވާ އަދި އިސްލާމީ ޝަރީއަތުގައި ކަނޑައެޅިގެން ހަރާމްކަމެއް ކަމަށް ކަނޑައަޅުއްވާފައިވާ ފަދަ އަމަލެއް އޭނާ ކޮށްފައިވާ ކަމަށް އޭނާގެ މައްޗަށް ތުހުމަތުކުރެވޭގޮތަށް އެއްވެސް ޙަޤީޤަތެއް އަސާސެއް ނެތް ވާހަކަތަކެއް ލިޔެ ދައުރުކޮށްފައިވާ ކަމަށެވެ.
އަދި އޭނާ އަކީ އެތައް ރައްޔިތުންނެއް ތަމްސީލުކުރާ ރައްޔިތުންގެ މަޖިލީހުގެ މެމްބަރަކަށްވާ އިރު، އޭނާއަށް ރައްދުވާގޮތަށް އެފަދަ ވާހަކަތަކެއް ލިޔެފައިވާއިރު، އެފަދަ އަމަލުތަކަކީ އިސްލާމްދީނުގައި ކަނޑައެޅިގެން ހަރާމްކުރައްވާ ހައްދު ކަނޑައަޅުއްވާފައިވާ އަމަލުތަކެއްކަމުން، އެފަދަ ފާހިޝް އަމަލު ހިންގިކަމަށް ލިޔެފައިވާ ލިޔުމުގައިވާ ފާހަގަކޮށްފައިވާ ކަންތައްތައް ދިވެހިން ފުލުހުންގެ ޚިދުމަތުން ބެއްލެވެން އޮތް އެންމެ ރަނގަޅަކަށް ބައްލަވައިދެއްވުމަކީ މުޅި މުޖްތަމައުގެ ޙައްޤުގައި ފުލުހުން ކުރައްވަންޖެހެނޭ ކަމެއް ކަމަށް ދެކެވަޑައިގަންނަވާ ކަމަށެވެ.
އަޅުގަނޑު ނުކުރާ ކަމެއް އެއީ ނުކުރާ ކަމެއް ކަމަށް ސާބިތުކުރުމަށް އަޅުގަނޑަށް ކުރެވޭނެ ކަމެއް ނެތް އިރު، އެފަދަ ކަމެއް ހިނގި ކަމަށް ބުނާ މިފަދަ ވީޑިއޯއެއް ނުވަތަ ފޮޓޯއެއްގެ ހަގީގަތް ރައްޔިތުންނަށް ހާމަކޮށްދިނުމަކީ ތިޔަ މުއައްސަސާގެ ޒިންމާއެއް ކަމުގައި ވެސް އަޅުގަނޑު ދެކެމެވެ.
– ސަލީމްގެ ސިޓީގައި ވެއެވެ.
މި މައްސަލަ ބަލައިދިނުމަށް ސަލީމް އެދިފައިވާއިރު، ދެ ފިރިހެނަކު ބަދުއަހުލާގީ އަމަލު ހިންގާ ވީޑިއޯއެއްގެ މައްސަލައިގައި ގާނޫނީ ވަކީލު ނާޒިމް އަބްދުއްސައްތާރުގެ މައްސަލަ ވެސް ފުލުހުން އަންނަނީ ތަހުގީގު ކުރަމުންނެވެ. އަދި، މިފަދަަ މައްސަލަތަކެއްގައި ގިނަ އަދަދެއްގެ ބަޔަކަށް ބްލެކްމެއިލް ކުރުމުގެ މައްސަލަތަކެއް ވެސް ފުލުހުން އަންނަނީ ތަހުގީގު ކުރަމުންނެވެ.
