ޖަޕާންގެ ކުރީގެ ބޮޑުވަޒީރު. ޝިންޒޯ އަބޭއަށް އަމާޒުކޮށް ދިން ބަޑީގެ ހަމަލާއެއްގައި ޒަޚަމްވެ ވަޑައިގެން ހޮސްޕޮޓަލުގައި އެޑްމިޓް ކޮށްފިއެވެ.
ޖަޕާންގައި އެންމެ ދިގު މުއްދަތަކަށް ބޮޑުވަޒީރިކަން ކުރެއްވި އަބޭ އެގައުމުގައި އެންމެ ފުރަތަމަ ބޮޑުވަޒީރުކަން ކުރެއްވީ 2006 ވަނަ އަހަރުން 2007 ވަނަ އަހަރަށެވެ. އެއަށްފަހު 2012 އިން 2020 ވަނަ އަހަރާއި ހަމައަށް އޭނާވަނީ އެގައުމުގައި ބޮޑުވަޒީރުކަން ކުރައްވާފައެވެ.
އަބޭއަކީ އަދިވެސް ޖަޕާނުގައި ސިޔާސީ ގޮތުން ނުފޫޒު ގަދަ ބޭފުޅެކެވެ.
އަބޭ ޒަޚަމްވެވަޑައިގެން ވެއްޓިވަޑައިގަތުމުގެ ކުރިން ނަގާފައިވާ ފޮޓޯތަކުން ފެންނަ ގޮތުގައި ބަޑީގެ ހަމަލާގެ ކުރިން އޭނާ ހުންނެވީ އާންމު އެއްވުމެއްގައި ވާހަކަ ދައްކަވާށެވެ. އަދީ އޭނާގެ ވަށައިގެން މީހުން ތިބި މަންޒަރުވެސް ވަނީ ފެނިފައެވެ.
ޖަޕާނުގެ ކެބިނެޓް ސެކެޓްރީއާއި ހަވާލާދީ ރޮއިޓާސްއިން ރިޕޯޓު ކޮށްފައި ވާގޮތުގައި އަބޭގެ ހާލަތު އަދި ސާފު ކުރެވިފައެއް ނުވެއެވެ.
ބައެމީޑިއާޔަކުން ރިޕޯޓު ކޮށްފައިވާ ގޮތުގައި ބަޑީގެ ހަމަލާ ދިންއިރު އަބޭ ހުންނެވީ ނަރާ ސްޓޭޓުގެ ކެމްޕޭން އިވެންޓެއްގައި ވާހަކަ ދައްކަވާށެވެ.
ޖަޕާންގެ ފުލުހުންނާއި ހަވާލާދީ ލޯކަލް މީޑިއާތަކުން ރިޕޯޓު ކޮށްފައިވާ ގޮތުގައި ބޮޑުވަޒީރު އަބޭއަށް ހަމަލާދިން މީހާ މިހާރުވަނީ ހައްޔަރު ކޮށްފައެވެ. އަދި ލިބުނު ޒަޚަމްގައި އަބޭގެ ހިތް ހުއްޓިފައިވާ ކަމަށްވެސް ބައެއް މީޑިއާ ރިޕޯޓުތައް ދަނީ ބުނަމުންނެވެ.
ތަފްސީލް އަންނަނީ..
