ބޮލިވުޑްގެ އެކްޓްރެސް ސްވާރާ ބާސްކަރު މަރާލާނެ ކަމަށް ބުނެ އިންޒާރުގެ ސިޓީއެއް އޭނާ ދިރިއުޅޭ ގެއަށް ބަޔަކު ފޮނުވައިފިއެވެ.
ސްވާރާ ވަނީ އޭނާގެ ސޯޝަލް މީޑިއާ އެކައުންޓުތަކުން އެ ސިޓީގެ ފޮޓޯއެއް އާންމުކޮށްފައެވެ. އެ ސިޓީ އޮތީ ހިންދީ ބަހުންނެވެ.
އެ ސިޓީގައި އޮތީ އިންޑިއާގެ ކުރީގެ ސިޔާސީ ލީޑަރެއް ކަމަށްވާ، ވީރް ސަވަރްކާރް ފަލީހަތްކުރަން އިންޑިއާ ޒުވާނުންނަށް ފުރުސަތު ނުދޭނެ ކަމަށެވެ. އަދި ސްވަރާ ފިލްމީ މަސައްކަތަށް ސަމާލުކަން ދިނުމަށް ވަނީ ބުނެފަައެވެ.
देश के नौजवान तो ख़ैर सड़कों पर नौकरी की माँग कर रहे हैं..
पर एक प्रजाति महंगाई, बेरोज़गारी, भुखमरी सब सहेगी.. बस ऐतिहासिक सच और तथ्य नहीं सहेगी!
इतना रोश पर नम्बर रेवारी में बैठे किसी चाचा का डाला है भाई ने! 😬💁🏽♀️ pic.twitter.com/wtuYE3HoD7— Swara Bhasker (@ReallySwara) June 29, 2022
ސްވަރާ ވަނީ މައްސަލަ ފުލުހަށް ހުށައަޅާފައެވެ. ފުލުހުން މިހާރު ވަނީ މި މައްސަލަ ބަލަން ފަށާފައެވެ.
ސްވަރާ ފާހަގަ ކުރެވެނީ ސިޔާސީ ކަންކަމަށް ފާޑުކިޔާ ތަރިއެއްގެ ގޮތުގައެވެ. އޭނާ ގެންދަނީ ޓްވިޓާ މެދުވެރިކޮށް އެފަދަ ކަންކަމަށް އަޑު އުފުލަމުންނެވެ.
ސްވަރާގެ އިތުރުން ސަލްމާން ޚާނާއި އޭނާގެ ބައްޕަ މަރާލާނެ ކަމުގެ އިންޒާރު ދީ މިދިޔަ މަހު ވަނީ އެމީހުން ދިރިއުޅޭ ގެއަށް ވެސް މިފަދަ ސިޓީއެއް ފޮނުވާފައެވެ. އެސިޓީ ފޮނުވާފައި ވަނީ ޕަންޖާބުގެ ލަވަ ކިއުންތެރިޔާ ސިއްދޫ މޫސް ވާލާއަށް ބަޑިން ހަމަލާދީ އޭނާ މަރައިލުމާއި ގުޅިގެން ސަލްމާންގެ ސެކިއުރިޓީ ވަރުގަދަ ކޮށްފައި ވަނިކޮށެވެ.
