ބޮލީވުޑްގެ އެކްޓަރ ޝާހިދު ކަޕޫރާއި އަންހެނުން މީރާ އަދި އެމީހުންދެ 2 ދަރިން މިވަގުތު އަންނަނީ އިޓަލީގައި ޗުއްޓީ ހޭދަކުރަމުންނެވެ.
ސޯޝަލް މީޑިއާގައި ވަރަށް ހަރަކާތްތެރި މީރާ އަންނަނީ އެމީހުންގެ ޗުއްޓީގެ ފޮޓޯތައް ސޯޝަލް މީޑިއާގައި ހިއްސާ ކުރަމުންނެވެ. މީރާ މިހާރު ހުރީ ޗުއްޓީ ހޭދަކުރަމުން އަންނަ ސިސިލީގައި ކަންތައް ވަމުން ދާގޮތުން މޫޑުހަރާބު ވެފައެވެ.
އެގޮތުން އޭނާގެ ހިތްހަމަ ނުޖެހުން ސޯޝަލް މީޑިއާއަށް ބަންޑުކޮށްލަމުން ބުނީ ސިސިލީ އަކީ ވެޖިޓޭރިއަނުންނަށް އެއްވެސް ގޮތަކަށް ދާން ކަމުދާ ތަނެއް ނޫން ކަމަށެވެ. ކުރިއާލައި އެންގީމައިވެސް ކާނެ އެއްޗެއް ނުލިބޭ ކަމަށާއި ސާފުތާހިރުކަން ވެސް ކުޑަ ކަމަށެވެ.
އެމީހުން މަޑުކުރި ހޮޓާ ކަމުގައިވާ "ވާދުރާރޭ ރިސޯޓް ސިސިލީ" ޓެގްކޮށް އޭނާ ބުނީ އެއީ ވެޖިޓޭރިއަނުން ދާން އެއްވެސް ގޮތަކަށް ކަމުދާ ތަނެއް ނޫން ކަމަށެވެ. އަދި ކޮށާލާފައިވާ މޭވާ ކޮޅަކީ ޑެޒާޓެއް ނޫން ކަމަށްވެސް އޭނާގެ އިންސްޓަގްރާމްގެ ސްޓޯރީގައި ހިއްސާ ކުރި ޕޯސްޓްގައި ވަނި ބުނެފައެވެ.
ޝާހިދު ކަޕޫރު އެންމެ ފަހުން ފެނިގެން ގޮސްފައިވަނީ ފިލްމް "ޖާޒީ" އިންނެވެ. އޭނާގެ ކުރިއަށް އޮތީ ވެބް ސީރީޒްއެކެވެ. އެއީ އެމޭޒަން ޕްރައިމް އިން ގެނެސްދޭން ނިންމައިފައިވާ "ރާޖް އެންޑް ޑީކޭސް" އެވެ.
ކޮމެންޓު ފޮނުވާ