"ޕަތަން"ގެ ސީކުއެލްއެއް ހަދާފާނެކަމުގެ އިޝާރާތެއް
ބޮލީވުޑްގެ ކިންގް ޚާންގެ ގޮތުގައި މަޝްހޫރު އެކްޓަރ ޝާހުރުކް ޚާން ކުޑަ ބްރޭކަކަށް ފަހު ސިނަމާއަށް އެނބުރި އަންނަ ފިލްމު "ޕަތަން"ގެ ސީކުއެލްއެއް ހަދާފާނެކަމުގެ އިޝާރާތެއް އޭނާ ދީފިއެވެ.
"ޕަތަން" އަކީ 2018 ވަނަ އަހަރުގެ ފޮލޮޕް ފިލްމު "ޒީރޯ" އަށް ފަހު ޝާހު ބޮޑު ސްކްރީނުން ފެނިގެންދާނެ ފުރަތަމަ ފިލްމެވެ.
ނަން މަޝްހޫރު ތަރިންތަކެއް ހިމެނޭ މިފިލްމުގެ ޝޫޓިންގ ނިންމާ މިހާރު އޮތީ ޕޯސްޓް- ޕްރޮޑަކްޝަންގައެވެ.
ފިލްމުން ޝާހުރުކާ އެކުގައި ފެނިގެން ދާނީ ދީޕިކާ ޕަޑުކޯން އެވެ. މީގެ އިތުރުން މުހިންމު ރޯލު ތަކުން ޖޯން އަބްރަހަމް، ޑިޕްމަލް ކަޕާޑިއާ، އާޝިތޯޝް ރާނާ އަދި ހާއްސަ ފެނިލުމަކުން ސަލްމާން ޚާން ވެސް ފެނިގެން ދާނެއެވެ.
