ދަރިފުޅު ބަދުއަޚްލާޤީ ޢަމަލު ހިންގާ ވީޑިއޯއެއް ނޯންނާނެކަމަށް ޑިފެންސް މިނިސްޓަރ މާރިޔާ އަޙްމަދު ދީދީ ވިދާޅުވެއްޖެއެވެ. މިނިސްޓަރ މާރިޔާ މިހެން ވިދާޅުވީ އެކަމަނާގެ ދަރިކަލުން އައްފާން އަބްދުއްސައްތާރު އެއްޖިންސުން ގުޅުން ހިންގާ ވީޑިއޯއެއް ބަޔަކު ގެންގުޅޭކަމަށް ތުހުމަތުކުރެވޭ މައްސަލައާއި ގުޅިގެންނެވެ.
މާރިޔާގެ ދަރިކަލުން އެއްޖިންސުން ގުޅުންހިންގާކަމަށް ތުހުމަތުކުރެވޭ ވީޑިއޯއިން ބްލެކްމެއިން ކުރާކަމަށް ދެކެވޭ ވާހަކަތަކާއި ގުޅިގެން މީހަކު ކުރި މެސެޖަކަށް ދެއްވި ރިޕްލައި މިނިސްޓަރ ވަނީ ސްކްރީންޝޮޓާއެކު ޓްވީޓްކުރައްވާފައެވެ. މިނިސްޓަރ ވަނީ އެފަދަ ވީޑިއޯއެއް ނޫޅޭކަން ވަރަށް ޔަޤީންކަމާއެކު ވިދާޅުވެފައެވެ. އަދި ބްލެކްމެއިލް ނުކުރާކަމަށްވެސް ވިދާޅުވިއެވެ.
މާރިޔާ ވިދާޅުވީ މިއީ ސިޔާސީ ދާއިރާގައި އުޅޭ އަންހެނުންނަށް ކުރާ ދުއްތުރާއެއްކަމަށް ސިފަކުރައްވާފައެވެ.
Komme vaahaka eh ge thereah Alhuganduge dharinney kiyaigen headline eh hedhey tho eba balaa. Siyasy sababah taka dharinnai behun eba hutten jehey! Alhugandu qabool kuraa gothuga mee siyaasy dhaairaa ga ulhey anhenunnah kuraa dhuhthuraa! pic.twitter.com/NCTKSz6zRi
— Mariya Didi 🎈 (@MariyaDidi) June 27, 2022
މިނިސްޓަރ މިހެން ވިދާޅުވެފައިވާއިރު، އައްފާންވެސް ނާޒިމް ސައްތާރު ފަދައިން އެއްޖިންސުން ގުޅުން ހިންގާ މަންޒަރު ފެންނަ ވީޑިއޯއެއް ދައުރުވާކަމަށް ބައެއް މީޑިއާތަކުން ރިޕޯޓްކޮށްފައިވެއެވެ. އައްފާން އަބްދުއްސައްތާރު އެއްޖިންސުން ގުޅުން ހިންގާ ވީޑިއޯއެއް ބަޔަކު ގެންގުޅޭ މައްސަލާގައި، އެ ފަރާތްތައް ހޯދުމަށް އިންޑިއާއިން ހާއްސަ ޓީމެއް ދިވެހިރާއްޖެއަށް އައިސްފައިވާކަމަށްވެސް "ދިޔަރެސް" އިން ރިޕޯޓްކޮށްފައިވެއެވެ.
އައްފާންގެ ވީޑިއޯއެއް ނޫޅޭނެކަމަށް މިނިސްޓަރ ވިދާޅުވެފައިވާއިރު، މަޖިލީހުގެ ރައީސް މުޙައްމަދު ނަޝީދުގެ ކޮއްކޯފުޅު ނާޒިމް ސައްތާރާއި ބިދޭސީއެއް އެއްޖިންސުން ގުޅުންހިންގާ ވީޑިއޯއެއް ވަނީ އާންމުވެފައެވެ. އަދި އެ މައްސަލާގައި ނާޒިމްގެ ޕާސްޕޯޓް ވަނީ ހިފަހައްޓާފައެވެ. ފުލުހުން އަންނަނީ އެ މައްސަލަ ތަހްގީގްކުރަމުންނެވެ.
މީގެ އިތުރުން އެމްޑީޕީގެ ޕީޖީ ޑެޕިއުޓީ ލީޑަރު ޙުސައިން ޝަހީމް (އަނދުން ޙުސައިން) އިތުރު ބަޔަކާއެކު ބަރަހަނާހާލުގައި ތިބޭ ފޮޓޯއެއްވެސް ދަނީ ދައުރުވަމުންނެވެ.
ބަރަހަނާ ފޮޓޯތަކާއި ވީޑިއޯތަކާއި ގުޅިގެން ގިނަބައެއްގެ ފާޑުކިޔުން އެމްޑީޕީއާއި ސަރުކާރަށް ވަނީ އަމާޒުވެފައެވެ.
