އެކްޓަރ ރަންބީރު ކަޕޫރު ވަރަށް ތަފާތު ގޮތަކަށް ފެނިގެންދާ ފިލްމު "ޝަމްޝޭރާ" ބަލާލުމަށް ބައްޕަ ދުނިޔޭގައި ހުރިނަމަ ވަރަށް އުފާވީސް ކަމަށް ރަންބީރު ބުނެފިއެވެ.
ކެންސަރާއި ހަނގުރާމަ ކުރަމުން ދަނިކޮށް ރަންބީރުގެ ބައްޕަ ރިޝީ ކަޕޫރު މަރުވީ 2020 ވަނަ އަހަރުއެވެ. ގިނަ ދުވަސްތަކަކު ކެންސަރަށް ފަރުވާ ހޯދި ރިޝީ އަކީ ބޮލީވުޑަށް ކާމިޔާބު ފިލްމު ތަކެއް ދޫކޮށް ދިން ތަރިއެކެވެ.
ރަންބީރު ބުނީ އޭނާގެ ބައްޕަ އަބަދުވެސް ދެކެން ބޭނުންވީ ތަފާތު އެކި ރޯލުތަކުން އޭނާ ފެނިގެން ދިއުމެވެ. އަދި އެހެން މީހުންނަށް އިބުރަތެއް ލިބޭ ފަދަ ފިލްމުތައް ކުޅުމަށް ބައްޕަ ނަސޭހަތް ދޭކަމަށް ވަނީ ބުނެފައެވެ.
A father’s legacy. A son’s destiny. The legend of SHAMSHERA is here, watch the #ShamsheraTrailer NOW. Releasing in Hindi, Tamil & Telugu. Celebrate #Shamshera with #YRF50 only at a theatre near you on 22nd July. pic.twitter.com/bdDVKePzFs
— Yash Raj Films (@yrf) June 24, 2022
ކަރަން މަލްހޮތުރާ ޑައިރެކްޓް ކޮށްފައިވާ "ޝަމްޝޭރާ" އިން ފެނިގެން ދާނީ ރަންބީރުގެ އިތުރުން ވާނީ ކަޕޫރު، ސަންޖޭ ދަތު އަދި ރޯނިތު ރޯއީއެވެ.
ޖުލައި 22 ވަނަ ދުވަހު ސިނަމާތަކުގައި އަޅުވަން ތައްޔާރުވެފައިވާ މި ފިލްމުން ދައްކުވައިދެނީ އިނގިރޭސީންގެ އަޅުވެތިކަމުގައި އިންޑިއާ އޮތް ޒަމާނެއްގެ ހަނގުރާމަ ތަކެކެވެ.
ކޮމެންޓު ފޮނުވާ