ބޮލީވުޑްގެ އެންމެ ޑިމާންޑް ބޮޑު ޑައިރެކްޓަރ ސަންޖޭ ލީލާ ބަންސާލީގެ ފިލްމަކުން ކްރިތީ ސެނޮން އާއި އަދިއްތިޔާ ރޯއި ކަޕޫރަށް ފުރުސަތު ލިބިއްޖެއެވެ.
ބަންސާލީއަކީ އޭނާ އުފައްދާ ކޮންމެ ފިލްމެއްވެސް ހިޓުވާނެ ކަމުގެ ޔަގިންކަން އޮންނަ ޑައިރެކްޓަރެކެވެ. އަދި ގިނަ ތަރިން އެ ޑައިރެކްޓަރަކާއެކު މަސައްކަތް ކުރަށް އެންމެ ބޭނުންވާ ޑައިރެކްޓަރަކީވެސް ސަންޖޭއެވެ.
ސަންޖޭ ލީލާ ބަންސާލީ އަކީ އޭނާ އުފައްދާ ކޮންމެ ފިލްމްއަކަށްވެސް ވަރަށް ބޮޑަށް ތަރިންނާއި ލޮކޭޝަން އާއި އަޅާހެދުމާއި ހުރިހާ ކަމެއް ޑީޓެއިލްކޮށް ގެނެސް މަޝްހޫރު ޑައިރެކްޓަރެކެވެ.
މި ފިލްމަށް މިހާރު އަދިއްތިޔާ އެއްބަސް ވެފައިވާކަމަށާއި ކްރިތީ އާއި ފިލްމުގެ ވާހަކަތައް ދައްކަމުން އަންނަ ކަމަށް ޚަބަރުތައް ބުނެއެވެ. މިފިލް އަކީ ލޯބީގެ ފިލްމެކެވެ.
ކްރިތީ އާއި އަދިތިޔާ ވަނީ 2019 ވަނަ އަހަރު ދަރްމާ ޕްރޮޑަކްޝަނުން ނެރުނު "ކަލަންކް" ގެ ލަވައަކުން ފެނިގެން ގޮަސްފައެވެ. މި ދެތަރިން ފިލްމުން ފެނިގެންގޮސްފި ނަމަ އެއީ ދެތަރިން އެކުގައި ކުޅޭ ފުރަތަމަ ފިލްމެވެ.
ބަންސާލީގެ އެންމެ ފަހުގެ ފިލްމަކީ އާލިއާ ބަޓް ލީޑު ރޯލުން ފެނިގެންދިއަ "ގަންގޫބާއީ ކަތިއާވާޅީ" އެވެ.
ކޮމެންޓު ފޮނުވާ