ބޮލީވުޑްގެ ބިރުކުޑަ ބަތަލާގެ ގޮތުގައި މަޝްހޫރު ތަރި ކަންގަނާ ރަނާވަތްގެ ފްލޮޕް ފިލްްމް "ދާކަޑް" ޖުލައި 1 ވަނަ ދުވަހު ޒީ-5 އިން ޕްރިމިއާ ކުރާގޮތަށް ހަމަޖެހިއްޖެއެވެ.
ހީކުރި ވަރާއި ގާރަށްވެސް ފިލްމް ބަލަން ވަންނާނެ މީހަކު ނުވި ފިލްމްގައި ފްލޮޕް ބޯޑު އަޅުވައި ސިނަމާތަކުން ނަގައިފައިވާއިރު ފިލްމްގައި ކަންގަނާގެ 7 ލުކް އެއް ފެނިގެން ދެއެވެ.
4 ފަހަރަށް ނޭޝަނަލް އެވޯޑް ހޯދާފައިވާ ބަތަލާގެ މި ފިލްމަކީ ހިންދީ ސިނަމާއަށް އަންނާނެ އެންމެ ވަރުގަދަ އަންހެން އެކްޝަން ފިލްމުކަމަށާއި މި ބޮލީވުޑްގެ ފުރަތަމަ މިފަދަ ފިލްމް ކަމަށް ކަންގަނާ ބުނެއެވެ.
ރަޒްނީޝް (ރާޒީ) ގާއި ލިޔެ، ޑައިރެކްޓްކޮށްފައިވާ އެކްޝަން ތުރިލާގައި މުހިންމު ރޯލަކުން އަރުޖުން ރާމްޕާލާއި ދިވްޔާ ދައްތާގެ އިތުރުން ސަސްވަތާ ޗެޓަޖީ އަދި ޝާރިބް ހާޝްމީ ހިމެނެއެވެ.
