ބަތަލާ ޕްރިޔަންކާ ޗޯޕްރާ ވަނީ އޭނާގެ ރީތިކަމާއި ހުނަރުން މުޅި ދުނިޔޭގެ ތަޢުރީފު ހޯދާފައެވެ. ބޮލީވުޑުން ފިލްމީދާއިރާއަށް ނުކުތް ބަތަލާ ވަނީ މިހާރު ހޮލީވުޑުން ވެސް ޖާގަ ހޯދާފައެވެ.
ހެދުން އެޅުމުގެ ވައްޓަފާޅިއަށް ބެލިކަމުގައި ވިޔަސް، އޭނާ އަކީ ތަފާތު އެކި ސްޓައިލް ތަކަށް ހެދުން އަޅާ އުޅޭ ތަރިއެކެވެ.
ދާދިފަހުން ބައިނަލްއަޤުވާމީ މީޑިއާއަކަށް ދިން އިންޓަވިއުއެއްގައި ޕްރިޔަންކާ ވަނީ، އޭނާގެ "ބިއުޓީ އައިކޮން" އަކީ ކާކުކަން ހާމަކޮށްފައެވެ.
އެގޮތުން 39 އަހަރުގެ ބަތަލާ ކިޔައިދިން ގޮތުގައި، ރީތިވުމުގައި އޭނާ ބަލަނީ ކުރީގެ ބަތަލާ ސްރީދޭވީގެ ސްޓައިލަށް ކަމަށެވެ.
ސްރީދޭވީގެ އެންމެ ފާހަގަވާ ސިފައަކީ އޭނާގެ ރީތި ބޮޑު ދެލޯ ކަމަށާއި، ހެދުން އެޅުމުގައި ވެސް އޭނާ އަކީ ތަފާތު އެކި ސްޓައިލްތައް ތަޖުރިބާކުރި އެކްޓްރެސް އެއް ކަމަށް ޕްރިޔަންކާ ބުންޏެވެ.
"ކޮންމެ ފިލްމަކަށް އޭނަ ތަފާތު ލުކެއް ދައްކާލާ"، މިހާރު މި ދުނިޔެ ދޫކޮށްފައިވާ ކުޅަދާނަ ބަތަލާއާ ބެހޭގޮތުން ޕްރިޔަންކާ ބުންޏެވެ.
މީގެ ކުރިން ވެސް އެކި މުނާސަބާތަކުގައި ޕްރިޔަންކާ ވަނީ ސްރީދޭވީގެ ރީތިކަމަށް ތަޢުރީފުކޮށްފައެވެ.
View this post on Instagram
ސްރީދޭވީއަކީ 1980 ގެ އަހަރުތަކުން ފެށިގެން 90 ގެ ފަހުކޮޅާ ހަމައަށް ބޮލީވުޑްގައި ވަރަށް ގަދަޔަށް ވިދައިލި ތަރިއެކެވެ. އަދި މިއަދާ ހަމައަށްވެސް އޭނާއަކީ އިންޑިއާގެ ފިލްމީ ދާއިރާއިން ފެނުނު އެންމެ ހުނަރުވެރި އެއް ބަތަލާ ކަމަށް ގިނަބަޔަކު ޤަބޫލުކުރެއެވެ.
