ރާއްޖެއިން މިހާތަނަށް ނުފެންނަ ވައްތަރުގެ އައު ދޫންޏެއް ފެނިފައިވާކަމަށް އެންވައިރަމަންޓް ޕްރޮޓަކްޝަން އޭޖެންސީ، (އީޕީއޭ)އިން ބުނެފިއެވެ. އަލަށް ފެނުނު މި ދޫނި ފެނިފައިވަނީ ލ.އަތޮޅު ހިތަދޫއިންނެވެ. އިނގިރޭސި ބަހުން ވައިޓް ސްޓޯކް ނަމަކަށް ކިޔާ މި ދޫންޏަށް މިހާތަނަށް ދިވެހި ނަމެއް ދީފައެއްނުވެއެވެ. މި ދޫނި ފެނިފައިވަނީ މި އަހަރުގެ ފެބްރުއަރީމަހުގެ ތެރޭގައިކަމަށް އީޕޭއީ އިން ބުންޏެވެ.
އަލަށް ފެނުނު ދޫނި އެންމެ ވައްތަރީ މާކަނާ އާއި އިރުވައިހުދާއެވެ. އެ ދޫނީގައި ހުންނަނީވެސް އިރުވާހުދާއި މާކަނާގެ ހުންނަފަދަ ކުލަތަކެކެވެ. ރާއްޖެއިން ފެނުނު މި ދޫނީގެ ބޮލާ ހަށިގަނޑުގައި ހުންނަނީ ހުދު ކުލައެވެ. އަދި ފިޔަގަނޑުގެ ވަކި ހިސާބެއްގައި ކަޅު ކުލަހުރެއެވެ.
On 20th February 2022, a White Stork (Ciconia ciconia) was sighted in L. Hithadhoo.
This is possibly the first recorded sighting of this species in the Maldives. The white stork is rarely seen in South India during the winter and vagrantly sighted in Sri Lanka as well.???? Moosa pic.twitter.com/gYiCIK1LEk
— EPA Maldives (@EPAMaldives) May 24, 2022
މި ދޫންޏަކީ ވަަރަށް މަދު ފެންނަ ދޫންޏެކެވެ. އާންމުކޮށް ފިނި މޫސުމަށް މި ސަަރަހައްދުގެ ދެ ގައުމުކަމަށްވާ އިންޑިއާއާއި ސްރީލަންކާއިން މި ދޫނި ފެންނަކަމަށް އީޕީއޭއިން ވިދާޅުވެއެވެ. އެެހެންނަމަވެސް މީގެކުރިން ރާއްޖެއިން މި ދޫނި ފެނިފައިވާކަމަށް ރެކޯޑް ކުރެވިފައިނުވާކަމަށް އީޕީއޭއިން ވިދާޅުވެއެވެ.
މި ދޫންޏަކީ ދުނިޔެއިން ނެތި ހިނގައިދާނެކަމުގެ ބިރު އޮތް ދޫންޏެކެވެ. އެހެންކަމުން މިއީ ދުނިޔޭގައި ހިމާޔަތްކޮށްފައިވާ ދޫނިތަކުގެ ލިސްޓްގައި ހިމެނޭ ދޫންޏެކެވެ. ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާބެހޭ ޤާނޫނުގެ ދަށުން ހިމާޔަތް ކޮށްފައިވާ ހިޖުރަކުރާ ދޫނިތަކާއި، ރަށްރަށުގައި އާންމުކޮށް އުޅޭ ދޫނިތައް ހިފައި ގެންގުޅުމާ އެ ދޫނިތަކަށް ގޯނާކޮށް ހެދުމަކީ މަނާކަމެކެވެ.
ކޮމެންޓު ފޮނުވާ