ރަސްމާލެ މަޝްރޫއުގައި ޔޫއޭއީގެ އީގަލް ހިލްސްއިން ކުރާ އިންވެސްޓްމަންޓުން ދައުލަތަށް ލިބޭ އާމްދަނީ، މުޅި ފަތުރުވެރިކަމުގެ ދާއިރާއިން ލިބޭ އާމްދަނީއަށްވުރެ ބޮޑުވާނެ ކަމަށް އެމްޑަބްލިއުއެސްސީގެ މެނޭޖިން ޑިރެކްޓަރު ހުސައިން ފަހުމީ ވިދާޅުވެއްޖެއެވެ.
އެކްސްގައި ލިޔުއްވި ޕޯސްޓެއްގައި ފަހުމީ ވިދާޅުވީ، ފިސްކަލް އަންދާޒާތަކަށް ބަލާއިރު، 179 ރިޒޯޓާއި 16 ހޮޓަލާއި 920 ގެސްޓްހައުސް އަދި 165 ސަފާރީ އުޅަނދުން ދައުލަތަށް ލިބޭ ޖުމްލަ އާމްދަނީއަށްވުރެ، އީގަލް ހިލްސްގެ މަޝްރޫއުން ލިބޭ އާމްދަނީ އިތުރުވާނެ ކަމަށެވެ. ރަސްމާލެގެ އިގްތިސާދީ އަމާޒަކީ ރާއްޖޭގައި މީގެ ކުރިން ނުފެނިވާ ފެންވަރުގެ އަމާޒެއް ކަމަށްވެސް އޭނާ ވިދާޅުވިއެވެ.
ފަހުމީގެ މި ބަޔާން ނެރުއްވީ، ރަސްމާލެއަށް ހިއްކަން ހަމަޖެހިފައިވާ 1،010 ހެކްޓަރުގެ ތެރެއިން 500 ހެކްޓަރު، ދުނިޔޭގެ މުއްސަނދިންނަށް އެޕާޓްމަންޓް ތަރައްގީކޮށް ވިއްކުމަށް އީގަލް ހިލްސްއާ ހަވާލުކުރުމާ މެދު ފާޑުކިޔުންތައް އިތުރުވަމުންދާ ދުވަސްވަރުއެވެ.
މީގެ ކުރިން އީގަލް ހިލްސްގެ ވެރިޔާ މުހައްމަދު އަލައްބާރު ވިދާޅުވެފައިވަނީ، ރަސްމާލެއަކީ ރާއްޖޭގެ ތާރީހުގައި ކުރެވޭ އެންމެ ބޮޑު އިންވެސްޓްމަންޓް ކަމަށާއި، ރާއްޖޭގެ ރައްޔިތުންގެ އިތުބާރު ލިބިގެން މި މަޝްރޫއުގައި ބައިވެރިވެވުމީ ފަޚުރެއް ކަމަށެވެ.
ކޮމެންޓު ފޮނުވާ