މިއަދު ހެނދުނު ގްރޭޓާމާލެ އިންޓަރކަނެކްޝަން ގްރިޑާއި ގުޅުންހުރި ކޮންމެހެން ކުރަންޖެހޭ މަސައްކަތެއް ކުރިއަށްގެންދާތީ މާލެ އާއި ހުޅުމާލެއިން ކަރަންޓް ކެނޑިދާނެ ކަމަށް ސްޓެލްކޯއިން ބުނެފިއެވެ.
ސްޓެލްކޯއިން ބުނީ ގްރޭޓާމާލެ އިންޓަރކަނެކްޝަން ގްރިޑާއި ގުޅުންހުރި ކޮންމެހެން ކުރަންޖެހޭ މަސައްކަތެއް ހުކުރު ދުވަހުގެ ހެނދުނު 6:00 އިން 9:00 އަށް ކުރިއަށް ގެންދަން ހަމަޖެހިފައި ވާކަމަށެވެ. އެހެންކަމުން މާލެއާއި ހުޅުމާލެއިން އެ ވަގުތު ކަރަންޓު ކެނޑިދާނެ ކަަމަށް ސްޓެލްކޯއިން ވަނީ ބުނެފައެވެ.
ކަސްޓަމަރުންގެ ސަމާލުކަމަށް: ގްރޭޓާމާލެ އިންޓަރކަނެކްޝަން ގްރިޑާއި ގުޅުންހުރި ކޮންމެހެން ކުރަންޖެހޭ މަސައްކަތެއް 13/5/2022 ވާ ހުކުރު ދުވަހު (މާދަމާ)ގެ ހެނދުނު 6:00 އިން 9:00 އާއި ދެމެދު ކުރުމަށް ވަނީ ރޭވިފައި. މި މަސައްކަތް ހިނގަމުންދާ ވަގުތުގެ ތެރޭގައި މާލެއާއި ހުޅުމާލެއިން
— STELCO (@STELCOMALDIVES) May 12, 2022
ސްޓެލްކޯއިން ބުނީ މިފަދަ މަސައްކަތްތަކަކީ ކަސްޓަމަރުންނަށް ދެމުންގެންދާ ހިދުމަތްތައް އިތުރަށް ފުރިހަމަކޮށް، ކަސްޓަމަރުން އެދޭފަދަ ފުރިހަމަ ހިދުމަތެއް ފޯރުކޮށްދިނުމަށްޓަކައި، ކުރެވޭ މަސައްކަތްތަކެއް ކަމަށެވެ.
އަދި ކަރަންޓު ކެނޑިއްޖެ ނަމަ އެ ވަގުތު ކަސްޓަމަރުންނަށް ދިމާވެދާނެ ދަތިތަކަށް ސްޓެލްކޯއިން ވަނީ މައާފަށް އެދިފައެވެ.
