މަޝްހޫރު ޑައިރެކްޓަރ އަދި ޕްރޮޑިއުސަރ ކަރަން ޖޯހަރް ހުށައަޅައިދޭ ޝޯ "ކޮފީ ވިތު ކަރަން"ގެ 7 ވަނަ ސީޒަން ޖޫން މަހުގެ ތެރޭގައި ގެނެސްދޭން ފަށާނެ ކަމަށް ދާދިފަހުން ރިޕޯޓުތައް ވަނީ ބުނެފައެވެ.
ނަމަވެސް މީގެކުރިން ޓީވީން ގެނެސްދިން މިޝޯ މީގެފަހުން އެއްވެސް ޓީވީ ޗެނަލަކުން ނުދައްކާނެ ކަން ކަރަން ވަނީ އިއުލާންކޮށްފައެވެ.
2004 ގައި ގެނެސްދޭން ފެށި މި ޝޯގެ މިހާތަނަށް ގެނެސްދީފައިވަނީ ސްޓާ ވޯލްޑް އިންޑިއާ އިންނެވެ. އެގޮތުން މިހާތަނަށް 6 ސީޒަނެއް ގެނެސްދިން އިރު އެންމެ ފަހު ސީޒަން ގެނެސްދިނީ 2019 ގައެވެ.
View this post on Instagram
ޓީވީ އިން މީގެފަހުން މި ޝޯ ނުފެންނާނެކަން ހާމަކުރަމުން ކަރަން ބުނީ މި ޝޯގެ 7 ވަނަ ސީޒަން ގެނެސްދިނުމަށް ހަމަޖެހިފައިވަނީ އޮންލައިން ޕްލެޓްފޯމް ޑިޒްނީ ޕްލަސް ހޮޓްސްޓާ އިން ކަމަށެވެ.
ޝޯގެ އެންމެ ފަހުގެ މައުލޫމާތު ހިއްސާކުރި ނަމަވެސް ޝޯ ސްޓްރީމް ކުރަން ފަށާނެ ތާރީހެއް އަދި ހާމައެއް ނުކުރެއެވެ.
