ހދ. ހަނިމާދޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 65 ޕަސެންޓް ނިމިފައިވާކަމަށް އެމްޓީސީސީން ބުނެފިއެވެ. އެ ކުންފުނިން ބުނީ މިހާރު އެ މަޝްރޫޢުގެ އެއްގަމު ތޮށީގެ ކޮންކްރީޓް މަސައްކަތްތަކުގެ 98 ޕަސެންޓް ނިމިފައިވާކަމަށެވެ.
ހދ. ހަނިމާދޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 65 ޕަސެންޓް ނިމިއްޖެ. އަދި އެއްގަމު ތޮށީގެ ކޮންކްރީޓް މަސައްކަތްތަކުގެ 98 ޕަސެންޓް ނިމިއްޖެ.#MTCCProjects #RayyithungeKunfuni pic.twitter.com/5QCpy3YchY
— MTCC Plc (@MTCCPlc) April 28, 2022
ދެހާހެއްހާ މީހުންގެ އާބާދީއެއް އޮންނަ ހަނިމާދޫގައި ދިރިއުޅެނީ ހަމައެކަނި އެރަށުގެ ރައްޔިތުންނެއް ނޫނެވެ. ސުނާމީއަށްފަހު އެއަތޮޅުގެ ހަތިފުއްޓާއި ހޮނޑައިދޫގެ ރައްޔިތުންވެސް ވަޒަންވެރިވެ ދިރިއުޅެމުންދަނީ ހަނިމާދޫގައެވެ. ނަތީޖާއެއްގެ ގޮތުން ރަށުގެ އިޖުތިމާޢީ އަދި އިޤްތިޞާދީ ޙާލަތު ރަނގަޅުކޮށް އަސާސީ ޚިދުމަތް ކަށަވަރުކުރުމަކީ އަމާން މުޖުތަމަޢެއް ޤާއިމުކުރުމަށް ކޮންމެހެންވެސް ކުރަންޖެހޭކަމެކެވެ.
މިކަމާއި ގުޅިފައިވާ އެއްކަމަކީ ހަނިމާދޫގެ ބަނދަރުގެ ތޮއްޖެހުމެވެ. އަދި ބަނދަރުގެ ތޮށިގަނޑުވެއްޓުމުގެ ސަބަބުން އެއީ ބޭނުންކުރަން އެންމެ ރައްކާތެރި ބަނދަރެއްވެސް ނޫނެވެ. މިކަން ޙައްލުކުރުމަށް ސަރުކާރުންވަނީ ހަނިމާދޫގެ ބަނދަރުގެ މަސައްކަތް އެމްޓީސީސީއާއި ޙަވާލުކޮށްފައެވެ.
ހަނިމާދޫގައި މީގެކުރިން އޮތް 500 ފޫޓު ދިގު އަދި 250 ފޫޓު ފުޅާ ބަނދަރު އެމްޓީސީސީންވަނީ 1100 ފޫޓު ދިގު އަދި 300 ފޫޓު ފުޅާ ބަނދަރަކަށް ތަރައްޤީކޮށްފައެވެ. މިއީ ދައުލަތުގެ ބަޖެޓުން 64.68 މިލިއަން ރުފިޔާ ޚަރަދުކޮށްގެން ކުރިއަށްގެންދާ މަޝްރޫޢެކެވެ.
ހަނިމާދޫގައި ބަނދަރު ހެދުމާއި މަގުހެދުމުގެ މަސައްކަތް އެމްޓީސީސީއާއި މިނިސްޓްރީ އޮފް ނޭޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރއިން ހަވާލުކޮށްފައިވަނީ 2019 ވަނަ އަހަރުއެވެ. އަދި މިދެމަސައްކަތްވެސް މިއަހަރުގެ މެދުތެރޭގައި އެއްކޮށް ނިމޭނެކަމަށް އެމްޓީސީސީން ވިދާޅުވެއެވެ.
