ޖުޑިޝަލް ސާވިސް ކޮމިޝަނުން އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު މުނޫ މަހާވަރާއި ބައްދަލުކޮށްފިއެވެ.
ޖޭއެސްސީން ވަނީ މިބައްދަލުވުމުން ބޭއްވިކަން ހާމަކޮށް، ފޮޓޯތަކާއިއެކު ޓުވީޓް ކޮށްފައެވެ. މިބައްދަލުވުމުގައި ޖޭއެސްސީގެ ރައީސް ހިސާން ހުސެއިންއާއި، އެހެން މެމްބަރުންވެސް ބައިވެރިވެފައިވެއެވެ. ޖޭއެސްސީން ބުނެފައިވަނީ އިންޑިއާ ސަފީރާއި ޖޭއެސްސީގެ މެދުގައި ބޭއްވުނު ބައްދަލުވުމުގައި މަޝްވަރާކުރެވުނީ ފަނޑިޔާރުން ތަމްރީނުކުރުމާއި އިތުރަށް ގުޅިގެން މަސައްކަތްކުރެވޭނެ ދާއިރާތަކާ ބެހޭ ގޮތުންނެވެ.
Indian High Commissioner to Maldives His Excellency Mr.Munu Mahawar (@AmbMunu) met with the Chair @hisaanhussain and some members on 18th April 2022. Training to Judges and further collaboration were discussed during the meeting. pic.twitter.com/ORX7g3kOSV
— Judicial Service Commission (@MaldivesJSC) April 25, 2022
އިންޑިއާ ސަފީރާއި ޖޭއެސްސީން ބައްދަލުކޮށްފައިވާއިރު، ރާއްޖޭގައި ހިންގާ އިންޑިއާ އައުޓް ހަރަކާތް ހުއްޓުވުމަށް ރައީސުލްޖުމްހޫރިއްޔާގެ ޤަރާރަކުން ވަނީ ކަމާއި ގުޅުންހުރި އިދާރާތަކަށް އަންގަވާފައެވެ.
އިންޑިއާ ސަފީރު ޖުޑިޝަލް ސާވިސް ކޮމިޝަނާއި ބައްދަލުކޮށްފައިވާއިރު، އިދިކޮޅު ފަރާތްތަކުން ގެންދަނީ ސަރުކާރުން ޖުޑީޝަރީގެ ތެރެއަށް އަތްބާނާކަމަށް ބުނެފައެވެ. އަދި ޖުޑިޝަލް ސާވިސް ކޮމިޝަންގެ ކޮމްޕޮޒިޝަން ބަދަލު ކުރުމަށް މިސަރުކާރުން ވެފައިވާ ވައުދުވެސް މިހާތަނަށް ފުއްދަވާފައި ނުވެއެވެ.
ކޮމެންޓު ފޮނުވާ