ބޮލީވުޑްގެ އެކްޓްރެސް ކެޓްރީނާ ކައިފް އިނީ ބަލިވެ ކަމަށް ބުނެ ފޭނުންގެ މެދުގައި ބޮޑު ބަހުސްއެއް ފަށައިފިއެވެ.
މި އަޑެއް ގަދަވެގެން މި އުޅެނީ މި ހަފްތާގެ ތެރޭގައި އޭނާ ގަޔަށްދޫ ހެދުމެއް ލައިގެން އެއާޕޯޓްތެރެއިން ފެނުމާ އެކުގައެވެ.
ގަޔަށް ދޫ ފިޔާތޮށި ކުލައިގެ ހެދުމުގައި ހަމަ އެކުލައިގެ ދޯޕައްޓާ އަކާއި އެކުގައި ކެޓްރީނާ ފެނިގެން ދިއައީ އިރުއިރު ކޮޅުން ދޯޕައްޓާ ބަނޑާ ދިމާއިން ރީތިކޮށްލައި ފޮރުވަން މަސައްކަތް ކުރަނިކޮށެވެ.
އެއާއެކު ކެޓްރީނާގެ ފޮޓޯތަކާއި ވީޑިއޯތައް ވަނީ ވައިރަލް ވެފައިއެވެ. އަދި ހަމަ އެހެންމެ އޭނާގެ ފޭނުން ބުނަމުން އަންނަނީ ކެޓްރީނާ މިހާރު ބަނޑުބޮޑު ކަމަށެވެ.
ކެޓްރީނާ އާއި ވިކީ ކޯޝަލް ކައިވެނި ކުރީ މިދިއަ އަހަރުގެ ޑިސެމްބަރު މަހުގެ 9 ވަނަ ދުވަހުއެވެ. މި ހަފްލާގައި ބައިވެރި ވެފައިވަނީ ހަމައެކަނި ގާތް ރައްޓެހިންނާ ދެ މީހުންގެ އާއިލާއިން އެކަންޏެވެ.
ކޮމެންޓު ފޮނުވާ