ރާއްޖޭގެ ކޮވިޑް ކޮންޓްރޯލް ކުރުމުގެ ހުރިުހާ ކްރެޑިޓެއް ލިބިވަޑައިގަންނަވާނީ ރައީސް އިބްރާހީމް މުޙައްމަދު ޞާލިޙާއި އެމަނިކުފާނުގެ ކެބިނެޓަށްކަމަށް ވިދާޅުވެ ރައީސް ނަޝީދު އެ ކްރެޑިޓް ނަންގަވަން ނޫޅުއްވުމަށް އައްޑޫ މީދޫ ދާއިރާގެ މެންބަރު ރޮޒައިނާ އާދަމް ގޮވާލައްވައިފިއެވެ.
ރޮޒައިނާ މިހެން ވިދާޅުވީ، ކޯވިޑާއި ގުޅިގެން ބަންދުކުރި ބޯޑަރު ހުޅުވާލީ ރައީސް ނަޝީދުގެ ނުފޫޒުންކަމަށް ބައެއް ބޭފުޅުން ސޯޝަލް މީޑިއާގައި ޝުއޫރު ފާޅުކުރެއްވުމާއި ގުޅިގެންނެވެ. މީގެ އިތުރުން މިއަދު މަޖިލީހުގެ ޖަލްސާގައިވެސް ރައިސް ނަޝީދު ވަނީ ކޯވިޑާއި ގުޅިގެން ރާއްޖޭގެ ބޯޑަރު ބަންދުކޮށް އަޅާފައިވާ ފިޔަވަޅުތަކަށް ލުއި ދިނުމަށް މަޖިލީހުގައި ކުރެވުނު މަސައްކަތުގައި ސަރުކާރުން އެކަމަށް ދެކޮޅު ހެދި މިންވަރު ހާމަކޮށްދެއްވާނެކަމަށެވެ.
އެ ވާހަކަތަކަށް ރައްދު ދެއްވާ އައްޑޫ މީދޫ ދާއިރާގެ މެންބަރު ރޮޒައިނާ އާދަމް ވިދާޅުވީ ކޯވިޑުން އަރައިގަނެވުނީ ރައީސް އިބްރާހީމް މުޙައްމަދު ޞާލިޙާއި، އެމަނިކުފާނުގެ ކެބިނެޓް އަދި އެކި ދާއިރާތަކުގެ ޕްރޮފެޝަނަލް މީހުންނާއެކު ރެޔާއި ދުވާލު ކުރި މަސައްކަތުންކަމަށެވެ. ބޯޑަރުވެސް ބަންދުކުރަން ޖެހުނު ވަގުތު ބަންދުކުރިކަމަށާއި، ހުޅުވަންވީ ވަގުތު އައުމުން ހުޅުވީކަމަށް ރޮޒައިނާ ވިދާޅުވިއެވެ. އެއީ ވަކި މީހެއްގެ ޕްރެސަރަށް ކުރި ކަމެއް ނޫންކަމަށްވެސް ރޮޒައިނާ ވިދާޅުވިއެވެ.
އެދުވަހު ކޯވިޑް އެއީ އާދައިގެ ބައްޔެއްވެސް ނޫން. މިލިއަނުންމީހުން މަރުވަމުން ދިޔައީ. އޭރު އާދައިގެ ބައްޔެއްގޮތަށް ދެކި އަޅާނުލާ ތިބިނަމަ މިއަދު މިއޮށް ހާލަތެއް ނޫން އޮންނާނީ. އާދައިގެ ބައްޔަކަށް މިއަދު މިވީ ވެކްސިންވެސް ދެވުނީމަ. އެކަންވެސް ކުރީޫ ހަމަ ރައީސް އިބްރާހީމް މުޙައްމަދު ޞާލިޙްގެ މަސައްކަތުން.
– ރޮޒައިނާ އާދަމް
Covid manage kurumuge huriha credit eh haggu vanee Raees @ibusolih aa RJ aa ekkoh masakkaiy kurevvi team, adhi nuhanu ehbaarulun dhin lobuvethi dhivehi rayyithunnah! Meehaku madun hurumakee emeeha laigen huri gameehah dhaandhen feyrigannan jehey sababeh noon!
— ???????? ???????????????????????????? ???????????????? ???? (@Roxeyna) April 4, 2022
ރޮޒައިނާ ވިދާޅުވީ ކޯވީޑް މެނޭޖުކުރުމުގެ ހުރިހާ ކްރެޑިޓެއް ހައްގުވަނީ ހަމަ ރައީސް އިބްރާހީމް މުޙައްމަދު ޞާލިޙްއާއި އެމަނިކުފާނާއެއްކޮށް މަސައްކަތްކުރެއްވި ޓީމާއި އެއްބާރުލުން ދެއްވި ރައްޔިތުންކަމަށެވެ. މީހަކު މަޑުން ހުރުމަކީ އެމީހާގެ ލައިގެން ހުރި ގަމީހަށް ދާންދެން ފޭރިގަންނަންޖެހޭ ސަބަބެއް ނޫންކަމަށް ރޮޒައިނާ ނުސީދާކޮށް ރައީސް ނަޝީދަށް ދެއްވި ރައްދުގައި ވިދާޅުވިއެވެ.
ރޮޒައިނާ މިހެން ވިދާޅުވެފައިވާއިރު، މަޖިލީހުގެ މިއަދުގެ ޖަލްސާގައި ރައީސް ނަޝީދު ވިދާޅުވީ، ރާއްޖޭގެ ބޯޑަރު ހުޅުވައި، އޭރު އަޅާފައިވާ ފިޔަވަޅުތަކަށް ލުއި ދިނުމަށް މަޖިލީހުން މަސައްކަތް ކުރުމުން ސަރުކާރުން އެކަމަށް ހުރަސް އެޅިވަރު ދިވެހި ރައްޔިތުންނަށް ހާމަ ކޮށްދެއްވާނެކަމަށެވެ.
ބޯޑަރު ހުޅުވުމާއި ގުޅޭގޮތުން މިތަނުގެ ކޮމެޓީތަކުގައި ދެކެވުނު ވާހަތަކައި، ސަރުކާރުން އެކަމަށް ހުރަސް އަޅަމުން ގެންދިޔަ ގޮތް އަދި ބައެއް މެމްބަރުންވެސް އެކަމާއި ނުރުހުން ފާޅު ކުރަމުން ގެންދިޔަ ގޮތް ސާފުކޮށް މަޖިލީހަށާއި، ރާއްޖޭގެ ރައްޔިތުންނަށް އެގޭނެ ގޮތް އަޅުގަނޑު ހަމަޖައްސައި ދޭނަން.
– ރައީސް ނަޝީދު ވިދާޅުވިއެވެ.
ރައީސް ނަޝީދު މިވާހަތަކަށް ރައްދު ދީފައިވާ އެންމެ ބޮޑު ސަބަބަކީ މިނިސްޓަރ ފައްޔާޞުގެ މަސައްކަތް ޔައުގޫބު ފާހަގަ ކުރެއްވުމުންކަމަށް ބެލެވެއެވެ. ރާއްޖޭގެ ކޯވިޑްގެ ހާލަތުގައި އެންމެ ބޮޑެތި މަސައްކަތްތަކެއް ކުރެއްވި ބޭފުޅުންގެ ތެރޭގައި އިކޮނޮމިކް މިނިސްޓަރ ފައްޔާޟު އިސްމާއިލް ހިމެނި ވަޑައިގަންނަވައެވެ.
