ބޮލީވުޑްގައި ވިދަމުން އަންނަ ދެ ތަރިން ކަމުގައިވާ ވަރުން ދަވަން އާއި ޖާންވީ ކަޕޫރު އެކުގައި ފެނިގެންދާ ފިލްމު އަންނަ އަހަރު ރިލީޒް ކުރާނެ ކަމަށް ބުނެފިއެވެ.
"ބަވާލް" އަކީ މި ދެތަރިން އެކުގައި ކުޅޭ ފުރަތަމަ ފިލްމެވެ. ނިތޭޝް ތިވާރީ ޑައިރެކްޓް ކުރާ މި ފިލްމުގެ ޕޯސްޓަރެއް ވަނީ ވަރުން އަދި ޖާންވީ ވެސް ސޯޝަލް މީޑިއާގައި ހިއްސާ ކޮށްފައެވެ.
ސާޖިދު ނަޑިއާޑްވާލާ ޕްރޮޑިއުސްކުރާ ފިލްމުގެ، ޕޯސްޓަރު ފިޔަވާ މި ފިލްމާ ބެހޭގޮތުން އިތުރު މައުލުމާތެއް އަދި ހިއްސާއެއް ނުކުރެއެވެ. މި ފިލްމު ރިލިޒް ކުރުމަށް ނިންމާފައިވަނީ އަންނަ އަހަރުގެ އެޕްރިލް 7 ވަނަ ދުވަހަށެވެ.
ޖާންވީގެ ދެ ފިލްމެއް މިއަހަރު ރިލިޒް ކުރުމަށް ހަމަޖެހިފައިވާ އިރު، ވަރުންގެ ދެ ފިލްމެއް ވެސް މިއަހަރު ތެރޭ ރިލީޒް ކުރާނެކަން ވަނީ ހާމަކޮށްފައެވެ.
ކޮމެންޓު ފޮނުވާ