ހުކުރު ދުވަހު އިދިކޮޅު ކޯލިޝަނުން މާލޭގައި ބޭއްވުމަށް ހަމަޖެހިފައިވަ "ނޭވާ ހޮޅިއަށް" ހަރަކާތުގައި އަތޮޅު ތެރޭގެ ރަށްތަކުން 4،000 އަށްވިރެ ގިނަ މީހުން ބައިވެރިވާނެ ކަމަށް އެކޯލިޝަނުން ބުނެފިއެވެ.
މިހަރަކާތް ބޭއްވުމަށްޓަކައި މާލެ ސިޓީ ކައުންސިލަށް ހުއްދަ އަށް އެދުމުން އެކައުންސިލުން ހުއްދަ ދީފައިވާކަމަށް އިއްޔެ ބޭއްވި ނޫސްވެރިންގެ ބައްދަލުވުމުގައި ކުރީގެ މެމްބަރު ޝާހިދު ވަނީ ވިދާޅުވެފައެވެ. ސުލްހަވެރިކަމާއިއެކު ބޭއްވުމަށް ހަމަޖެހިފައިވާ މިހަރަކާތަކީ ރާއްޖޭގައި ތިބި އިންޑިއާގެ އަސްކަރީ ސިފައިން ރާއްޖެއިން ބޭލުމަށް ގޮވާލައި ހިންގުމަށް ހަމަޖެހިފައިވާ ބޮޑު ހަރަކާތެވެ.
އެ ކޯލިޝަނުން ބުނި ގޮތުގައި މި ހިނގާލުމަށް އަންނާނެ ކަމަށް ލަފާކުރެވޭ ޔަގީން އަދަދެއް މިއަދޔ ސާފުވާނެއެވެ. އެމީހުން އަންނަނީ އެ ކޯލިޝަނުން އެއްވެސް ހަރަދެއް ކޮށްގެން ނޫން ކަމަށާއި، އެމީހުން އަމިއްލައަށް ކަމަށް ވަނީ ބުނެފައެވެ. މިއީ މިފަހުން އިދިކޮޅު ކޯލިޝަނުން އިންތިޒާމު ކުރާ އެންމެ ބޮޑު އެއް ހަރަކާތަށް ވެގެންދާނެކަމަށްވެސް އެކޯލިޝަނުން ވަނީ ބުނެފައެވެ.
އިންޑިއާ އައުޓްގެ ބޮޑު ހަރަކާތެއް ބޭއްވުމަށް ނިންމާފައިވާއިރު، ހޯމް މިނިސްޓަރ އިމްރާން ވިދާޅުވީ މިހަރަކާތް ބޭއްވުމަށް ޖާގަ ނުދޭނެކަމަށެވެ. އަދި އިދިކޮޅު ފަރާތްތަކާއިއެކު މަޝްވަރާކޮށް މިހަރަކާތް ނުހިންގޭނެކަމަށް ދަންނަވާފައިވާކަމަށެވެ. ނަމަވެސް އިދިކޮޅުން ބުނެފައިވަނީ މިހަރަކާތާއި ގުޅިގެން މިހާތަނަށް ފުލުހުންވެސް އަދި ހޯމް މިނިސްޓްރީންވެސް ބައްދަލުކުރުމަށް އެދިގެންވެސް އަދި އިދިޖކޮޅު ފަރާތްތަކުންވެސް ބައްދަލުވެސް ކޮށްފައި ނުވާކަމަށެވެ.
އިދިކޮޅު "ނޭވާހޮޅިއަށް" ބޮޑު ހަރަކާތް ފެށުމަށް ހަމަޖެހިފައިވަނީ މާލޭގައި ހުންނަ ޕީޕީއެމް އޮފީސް ދޮރުމަތިން ހުކުރު ދުވަހު ހަވީރު 4 ޖަހާއިރުއެެވެ.
ކޮމެންޓު ފޮނުވާ