މިވީ އަހަރު ތަކުގެ ތެރޭގައި އެމްޑީޕީ ހިންގިފައި ނެތްކަން ގަބޫލު ކުރަންޖެހޭ ކަމަށާއި، ހެޔޮ ބަދަލެއް ގެނެވޭނީ ޗެއާޕާސަންގެ މަޤާމަށް ފައްޔާޟު އިންތިޚާބު ކޮށްގެންކަމަށް ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އިކްރާމް ހަސަން ވިދާޅުވެއްޖެއެވެ.

ވާދަވެރިކަން ބޮޑު އެމްޑީޕީގެ އެތެރޭގެ އިންތިޚާބުގައި ފައްޔާޟުގެ ޓީމުން ދަނީ އަތޮޅު ތެރޭގައި ކެމްޕެއިން ހަރަކާތްތައް ވަރަށް ފޯރީގައި ކުރިއަށް ގެންދަމުންނެވެ. މިހާރުވެސް ފައްޔާޟުގެ ޓީމުން ދަނީ ހއ.ގެ ރަށްޔަކުގައި ކެމްޕެއިން ހަރަކާތްތައް ކުރިއަށް ގެންދަމުންނެވެ.

ފައްޔާޟަށް އިންތިޚާބު ކާމިޔާބް ކުރުމަށް އެންމެ ބޮޑަށް ދައްކާ އެއްވާހަކައަކީ އެމްޑީޕީ މިވީ ތިން އަހަރު ހަރަކާތްތައް ނުހިންގި މަޑު ޖެހިފައި އޮތް އޮތުމުން އަލުން ހަރަކާތައް ހިންގުމުގެ މަސައްކަތް ފެށުމަށެވެ. އެމްޑީޕީގެ ރަށްރަށުގެ ޖަގަހަތަކާއި، ރަށްރަށުގެ ހަރަކާތައް އެއްވެސް ވަރަކަށް ނުހިނގާ އޮތްކަމުގެ ޝަކުވާއަކީ އެމްޑީޕީގެ ތެރޭގައި އެންމެ ބޮޑަށް އޮތް ކަންބޮޑުވުމެވެ.

އެމްޑީޕީ ތެރޭގައި އޮތް މަޑުޖެހުން ހުއްޓުމަކަށް ގެނެސް އެމްޑީޕީ ހިންގާލުމަށް ކުރަމުންދާ ކެމްޕެއިންގައި އިސްކޮށް ހަރަކާތްތެރިވާ އިކްރާމް ވިދާޅުވީ އެމްޑީޕީ ރަނގަޅަށް ނުހިނގާކަން ގަބޫލު ކުރަންޖެހޭކަމަށެވެ.

އެމްޑީޕީ ރަނގަޅަށް ހިންގިފައި ނެތްކަމާއި، ހިންގުމަށް ހެޔޮ ބަދަލެއް ގެންނަން ޖެހޭ ކަމީ އެންމެހާ މެމްބަރުން ގަބޫލު ކުރާކަމެއް، ބަދަލެއް ގެނެވުނު ކަމަށް ވާނީ ޗެއާޕާސަން އަކަށް މިފަހަރު ފައްޔާޒު ގެނެވިގެން.

– އިކްރާމް ވިދާޅުވިއެވެ.

MDP ragalhah hingifaa neii kamaa hingumah heyo badhaleh gennan jehey kamee emmehaa memberun gabool kuraa kameh, badhaleh gevunu kamah vaanee CP akah mifaharu @faya_i genevigen. #MDPhingaalan #Faya4CP #MDPNextLevel #EmmenEkugaKKBK pic.twitter.com/wJhxJA7Bix

— Ikram Hassan MP (@ikramhassan) March 18, 2022

މިއިންތިޚާބުގައި ފައްޔާޟާއި ވާދަކުރައްވަނީ، އިންތިއެވެ. އިންތިއާއި ފައްޔާޟުގެ ޓީމުތަކުން ކެމްޕެއިން ކުރިއަށް ގެންދާއިރު އިންތިޚާބު ބޭއްވުމަށް ކުރިން ކަނޑައަޅާފައިވާ ތާރީހަށް މިހާރުވަނީ ބަދަލު ގެނެސްފައެވެ. އެމްޑީޕީގެ ޗެއަރޕަރސަން، އަންހެނުންގެ ރޫޙު، އަދި ޒުވާނުންގެ ހިތްވަރުގެ އިންތިޚާބު ބޭއްވުމަށް އެޕާޓީގެ ޤައުމީ މަޖިލީހުން ފާސްކޮށްފައިވާ ތާރީޚަކީ އަންނަ މަހުގެ 16ވަނަ ދުވަހެއެވެ. އިންތިޚާބު ބޭއްވުމަށް މިހާރު ކަނޑައަޅާފައިވާ ތާރީޚާއި ރަމަޟާން މަސް ދިމާވާތީ އިންތިޚާބު ފަސްކުރުމަށް އެދި ޗެއާޕާސަންގެ މަޤާމަށް ވަދަކުރައްވާ އިކޮނޮމިކް މިނިސްޓަރ ފައްޔާޒު އިސްމާޢީލް ވަނީ އެދިވަޑައިގެންފައެވެ. މިހާރު އިންތިޚާބު ބޭއްވުމަށް ހަމަޖެހިފައިވަނީ މެއި މަހުގެ 14 ވަނަ ދުވަހަށެވެ.