"ކައްޗާ ބަދާމް" ލަވައިން ގިނަ ބަޔަކަށް އެނގިގެންދިޔަ، އިންޑިއާގެ ބެންގޯލްގައި ބަދަން ވިއްކަން އުޅުން ބޫބަން ބަދުޔަކަރް "މާ ބޮޑަށް ފޮނިވެވުމުން" އޭނާ މާފަށް އެދިއްޖެއެވެ.
ސޯޝަލް މީޑިއާގައި މިލަވަ ހޯދާ މަގުބޫލުކަމާއި އެއްވަރުގެ މަޝްހޫރުކަމެއް ލަވައިގެ މޭސްތިރިޔާ ބޫބަން ބަދުޔަކަރަށް ދިއައީ ލިބެމުންނެވެ. ބޫބަން މި ލަވަ ކިޔައިފައިވަނީ ވިޔަފާރިއަށް މީހުންގެ ސަމާލުކަން ހޯދުމުގެ ގޮތުންނެވެ.
ބޫބާންގެ މި ލަވަ ފެނުމާއި އެކު މިއުޒީޝަން ނަޒުމޫ ރިޗަތު ވަނީ މި ލަވައިގެ ރިމިކްސެއް ހަދާ އާއްމުކޮށްފައެވެ. އެތައް ބައެއްގެ ސަމާލުކަން ލަވައަށް ގެނައި މި ރިމިކްސްގެ ވީޑިއޯގައި ބޫބަންވެސް ފެނެއެވެ.
މި ރިމިކްސްއަށް އެތައް ހިޓްސްއެއް ލިބުނު ނަމަވެސް އޭގެ އެއްވެސް ކްރިޑިޓެއް ބޫބާންއަށް ދީފައި ނެތުމުން އެތައް ބަޔަކު އައީ ފާޑުކިޔަމުންނެވެ. އެހެންކަމުން "ގޮދުލިބެލާ މިޔުޒިކް"ގެ ފަރާތުން ބޫބަންއަށް ވަނީ 3 ލައްކަ ރުޕީސް ހަދިޔާކޮށްފައެވެ.
އެއާއި އެކު ބޫބަން ގެ ހިތް އަރާ އޮތީ އާސްމާނުގައެވެ. އޭނާ ބުނެފައިވަނި މިހާރު އޭނާ އަކީ ސްޓާރެއް ކަމަށާއި ދެން ބަދަން ނުވިއްކާނެ ކަމަށެވެ. އަދި ބައެއް ޝޯ ތަކުގައިވެސް އޭނާ ލަވަ ކިޔާފައި ވެއެވެ. 50 އަހަރުގެ ބޫބަން އަކީ ބަދަން ވިއްކައިގެން އޭނާގެ އާއިލާގެ 10 މެމްބަރުންގެ ކަންކަން ބަލަހައްޓަމުން އައި، ވަރަށް ހާލުގައި އުޅުނު މީހެކެވެ.
ދާދިފަހުން އޭނާ ވަނީ ކާރެއް ގަނެ އެކާރު ދުއްވަން ދަސްކުރަން އުޅެނިކޮށް އެކްސިޑެންޓެއްވެ ހޮސްޕިޓަލުން ފަރުވާ ވެސް ހޯދާފައެވެ.
ނަމަވެސް މިހުރިހާ ކަމެއް ކުރިމަތިވެ ފާޑުކިޔުންތަކާ ގުޅިގެން ބޫބަން ވަނީ "މާ ފޮނި ވެވުމުން " މައާފަށް އެދިފައެވެ. އަދި ބުނެފައިވަނީ މިހާރުގެ ހާލަތު ބަދަލު ވެއްޖެ ކަމުގައި ވަނީނަމަ އަލުން ބަދަން ވިއްކަންވެސް ނުކުންނާނެ ކަމަށެވެ.
އެ ލަވައަށް ވަނީ ޔޫޓިއުބްގައި 53 މިލިއަނަށް ވުރެ ގިނަ ވިއުސް ލިބިފައެވެ. އަދި ޓިކްޓޮކް ފަދަ ސޯޝަލް މީޑިއާގެ ޕްލެޓްފޯމް ތަކުގައި މިލަވަ ވަރަށް މަޝްހޫރެވެ.
