ރާއްޖޭގައި ބޮޑު ފްރޯޑެއް ހިންގާކަމުގެ ތުހުމަތުގައި ފޭދޫ ދާއިރާގެ ކުރީގެ މެންބަރު އަލްހާން ފަހުމީގެ ކުންފުނީގެ އެކައުންޓް ފްރީޒްކޮށްފިއެވެ.
ފްރީޒްކޮށްފައިވަނީ އަލްހާން ފަހުމީގެ "ކިންގްސް ފޮރެކްސް ޓްރޭޑިން"ގެ ނަމަކަށް ކިޔާ ކުންފުނީގެ އެކައުންތެވެ. ރާއްޖޭގައި ޕޮންޒީ ސްކީމެއް ހިންގާ ކަމަށް ބުނެ އެމްއެމްއޭއިން ވަނީ އާންމުގެ ސަމާލުކަމަށް އެކަން ގެނެސްފައެވެ. މިއީ ގިނަ ބައެއްގެ އަތުން ފައިސާ ހޯދައި، އއިން އިންވެސްޓުކޮށް، ވަކި މުއްދަތެއްގެ ތެރޭގައި އެ ފައިސާ ދޭނެ ކަމަށް ބުނެ ހިންގާ ސްކީމެކެވެ.
އަލްހާންގެ ކުންފުނީގެ އެކައުންޓް ފްރިޒްކުރުމާއި ގުޅިގެން އެކުންފުނިން ބުނީ، މޯލްޑިވްސް މަނިޓަރީ އޮތޯރިޓިން ނުސީދާކޮށް އެކުންފުންޏަށް އަމާޒުކޮށް އެކުންފުނިން ފްރޯޑެއް ހަދަމުންދާ ކަމަށް ދޭހަވާގޮތަށް، އެކުންފުނި ބަދުނާމުވާގޮތަށް ބަޔާންނެރެ ގުޑްވިލް ހަލަކުކޮށްލާ، އަގުވައްޓާލާ އިތުބާރު ގެއްލޭ ގޮތަށް ނެރުނު އަންޕްރޮފެޝަނަލް ބަޔާނެއްކަމަށާއި، އެކަން ކުށްވެރިކުރާކަމަށެވެ.
މޯލްޑިވްސް މަނިޓަރީ އޮތޯރިޓިން ނުސީދާކޮށް މިކުންފުންޏަށް އަމާޒުކޮށް މިކުންފުނިން ފްރޯޑެއް ހަދަމުންދާ ކަމަށް ދޭހަވާގޮތަށް ، މިކުންފުނި ބަދުނާމުވާގޮތަށް ބަޔާންނެރެ މިކުންފުނީގެ ގުޑްވިލް ހަލަކުކޮށްލާ، އަގުވައްޓާލާ އިތުބާރު ގެއްލޭ ގޮތަށް ނެރުނު އަންޕްރޮފެޝަނަލް ބަޔާން ކުށްވެރިކުރަން!
— ????????????????’???? ???????????????????? ???? (@KingsForexTrade) March 10, 2022
މިކަމާއި ގުޅިގެން އަލްހާން ވިދާޅުވީ، ރައްޔިތުންނަށް މަންފާވާ ކަންކަމުގައި ހުރަސް އެޅުމުގެ ބަދަލުގައި އަދި ޤާނޫނީ ގޮތުން އެކަންކަން ފަހި ކޮށްދިނިމުގެ ބަދަލުގައި ހުރަސް ނެޅުއްވުމަށް ދައުލަތުގެ މުއައްސަސާތަކަށް އިލްތިމާސްކުރާކަމަށެވެ.
ރައްޔިތުންނަށް މަންފާވާ ކަންކަމުގައި ހުރަސް އެޅުމުގެ ބަދަލުގައި އަދި ޤާނޫނީ ގޮތުން އެކަންކަން ފަހި ކޮށްދިނިމުގެ ބަދަލުގައި ހުރަސް ނެޅުއްވުމަށް ދައުލަތުގެ މުއައްސަސާތަކަށް އިލްތިމާސްކުރަން! @ibusolih @MohamedNasheed
— ???????????????????? ???????????????????? – ???????? (@AlhanFahmy) March 10, 2022
ދިވެހި ދައުލަތުގެ މާލީ ނިޒާާމާ ބޭންކިންގ ސިސްޓަމް އިސްލާޙު ކުރަންޖެހޭ !
ޒަމަނީ ވިޔަފާރިއަށް ޖާގަ ދެއްވާ! @bankofmaldives
— ???????????????????? ???????????????????? – ???????? (@AlhanFahmy) March 10, 2022
އެމްއެމްއޭއިން ރޭ ނެރުނު ބަޔާނުގައި ވަނީ ކުޑަ ދުވަސްކޮޅެއްގެ ތެރޭގައި ބޮޑު ފައިދާއެއް ދޭނެކަމަށް ބުނެ ޢާންމުންގެ އަތުން ފައިސާ ހޯދުމަށްޓަކައި، ފޭސްބުކާއި ޓެލެގްރާމްފަދަ ސޯޝަލް މީޑިއާ ވަސީލަތްތައް މެދުވެރިކޮށް ހިންގާ ސްކީމްއެއްގެ މަޢުލޫމާތު އެ އޮތޯރިޓީއަށް ލިބެމުން އަންނަކަމަށެވެ.
މިފަދަ ސްކީމްތައް ހިންގާ ފަރާތްތަކުން، ޢާންމުންގެ ކިބައިން ނަގާ ފައިސާއިން އެ ފަރާތްތަކަށް އިންވެސްޓްކޮށްދިނުމުގެ ބަދަލުގައި، އެ ފައިސާ ބޭނުން ކުރަނީ އަމިއްލަ ބޭނުމަށްކަމަށް އެމްއެމްއޭއިން ބުންޏެވެ. އަދި ކުރީކޮޅުގައި ބައިވެރިވާ މީހުންނަށް ފައިސާ ދެނީ އޭގެ ފަހުން ބައިވެރިވާ މީހުންގެ ފައިސާއިންނެވެ.
މިހެންކަމުން މިފަދަ ސްކީމްތަކަކީ ދެމެހެއްޓޭނެ ސްކީމްތަކެއް ނޫންކަމަށް އެމްއެމްއޭއިން ބުނެއެވެ. އަދި ސްކީމް ރޫޅިގެންދާ ހިސާބުން، އެ ސްކީމްގައި ބައިވެރިވެ، ފައިސާ ދިން ގިނަ ބަޔަކަށް އެމީހުން ދިން ފައިސާވެސް ނުލިބި، ބޮޑެތި މާލީ ގެއްލުންތަކާ ކުރިމަތިލާން ޖެހޭކަން އެމްއެމްއޭއިން ފާހަގަކޮށްފައިވެއެވެ. އަދި ސްކީމްއަށް ދޭ ފައިސާ އަކީ ސްކީމް ހިންގާ ފަރާތުން އަނބުރާ ނުދީފިނަމަ، ފައިސާ ޖަމާވާ ބޭންކަށްވެސް އަނބުރާ ދެވޭނެ އެެއްޗެއް ނޫންކަން އެމްއެމްއޭއިން ވަނީ ފާހަގަކުރައްވާފައެވެ. އެހެންކަމުން މިފަދަ ސްކީމްތަކާ މެދު ސަމާލުވުމަށާއި، އޭގައި ބައިވެރި ނުވުމަށް އެމްއެމްއޭއިން ވަނީ އިލްތިމާސް ކުރެއެވެ..
