ހަނިމާދުގެ މަގުތަކުގައި ތާރު އަޅައިގެން ޒަމާނީ ފެންވަރަށް ތަރައްޤީކުރުމަށް ކުރިއަށްގެންދާ މަޝްރޫޢުގެ މަސައްކަތް ނިމުމަކާއި ގާތަށް ގޮސްފައިވާކަމަށް އެމަސައްކަތުގެ ކޮންޓްރެކްޓަރ އެމްޓީސީސީން ބުނެފިއެވެ.
އެމްޓީސީސީން ބުނެފައިވަނީ ހަނިމާދޫ މަގުހެދުމުގެ މަސައްކަތުގެ 93 އިންސައްތަ މިހާރުވަނީ ނިމިފައި ކަމަށެވެ. އަދި ސަބްބޭސް،ސަބްގްރޭޑް، ތާރުއެޅުން އަދި ހިނގާ ސަރަހައްދުގެ މަސައްކަތްވަނީ ފުރިހަމަކުރެވިފައި ކަމަށާއި، މަގުބައްތި ހަރުކުރުމާއި މަގުމަތީ ނިޝާން ހަރުކުރުމުގެ މަސައްކަތް ދަނީ ކުރެވެމުން ކަމަށެވެ.
ހދ. ހަނިމާދޫ މަގުހެދުމުގެ މަސައްކަތުގެ 93 އިންސައްތަ މިހާރުވަނީ ނިމިފައި. ސަބްބޭސް،ސަބްގްރޭޑް، ތާރުއެޅުން އަދި ހިނގާ ސަރަހައްދުގެ މަސައްކަތްވަނީ ފުރިހަމަކުރެވިފައި. މަގުބައްތި ހަރުކުރުމާއި މަގުމަތީ ނިޝާން ހަރުކުރުމުގެ މަސައްކަތް ދަނީ ކުރެވެމުން.#MTCCProjects #RayyithungeKunfuni pic.twitter.com/yw6sjsWyKi
— MTCC Plc (@MTCCPlc) March 7, 2022
މި މަޝްރޫޢުގައި ހަނިމާދޫގެ 20 މަގެއް ވަނީ ތަރައްޤީކޮށްފައެވެ. މި މަޝްރޫޢުގައި ވެހިކަލްތައް ދުއްވުމަށް ޚާއްސަކޮށްގެން 44000 އަކަ މީޓަރުގެ ސަރަޙައްދެއްގައި ތާރުއަޅާ، ހިނގާ މީހުންނަށް 16518 އަކަ މީޓަރުގެ ޕޭވްމަންޓް ވަނީ ހަދާފައެވެ. އަދި މަގުތަކުގައި ފެންބޮޑުވާ މައްސަލަ ހައްލުކުރުމަށް ސްޓޯމް ވޯޓަރ މެނޭޖްމަންޓް ސިސްޓަމް ޤާއިމުކޮށް، ފެނާއި ނަރުދަމާއާއި، މުވާސަލާތީ ޚިދުމަތްތަކަށް ބޭނުންވާ ކޭބަލް ޖަންކްޝަންތައް ވަނީ ހަދާފައެވެ. އަދި މަގުތަކުގައި ޓްރެފިކް ނިޝާންތައް ކުރެހުމާއި، ހަރުކުރުންވެސް ހިމެނެއެވެ. މި މަޝްރޫޢުަކީ 71 މިލިއަން ރުފިޔާގެ މަޝްރޫޢުއެކެވެ.
ހދ.ހަނިމާދޫއަކީ އުތުރުގެ ރަށްތަކުގެ ތެރެއިން، ކޮންމެ ދުވަހަކުވެސް އެންމެ ގިނަބަޔަކު އަރާ ފައިބާ އެއްރަށެވެ. އެއަރޕޯޓް އޮތުމާއި، އެކިއެކި ޚިދުމަތްތަކުގައި ކޮންމެ ދުވަހަކުވެސް ރަށަށް ގިނަ ބަޔަކު އަރައެވެ.
