ވެރިކަން ކުރާ މައި ޕާޓީ އެމްޑީޕީގެ އެެތެރޭގެ އިންތިޚާބުގައި ޗެއާޕާސަންގެ މަޤާމަށް ވާދަކުރައްވާ ފައްޔާޟު އިސްމާއިލަށް އައްޑޫ ސިޓީގައި އޮތް ތާއީދު ދައްކާލައިފިއެވެ.
ޗެއާޕާސަންގެ ކެމްޕެއިންގައި ވާދަކުރާ ފައްޔާޟާއި، އިމްތިޔާޒު ފަހުމީގެ ޓީމުތައްވެސް އިއްޔެއިން ފެށިގެން ހަރަކާތްތެރިވަމުންދަނީ އައްޑޫގައެވެ. އައްޑޫއަށް އިންތިގެ ޓީމުން ދިއުމުންވެސް ވަނީ އޭނާއަށް ތާއީދުކުރާ މީހުން ނިކުމެ މަރުހަބާ ކިޔާފައެވެ. ރޭ ފައްޔާޟާއި، ރޮޒޭނާގެ ޓީމުން އައްޑޫއަށް ދިއުމުން، އެރަށުން ވަނީ ފައްޔާޟަށް ހޫނު މަރުހަބާއެއް ކިޔާފައެވެ. ގިނަ އަދަދެއްގެ ބަޔަކު ފައްޔާޒަށް މަރުހަބާ ކިޔަން ނިކުމެފައިވާއިރު، މަރުހަބާ ކިޔުމަށް އެންމެ އިސްކޮށް ހަރަކާތްތެރިވީ އައްޑޫ ސިޓީގެ މޭޔަރު އަލީ ނިޒާރެވެ.
އަލީ ނިޒާރާއިއެކު، އެމްޑީޕީގެ އައްޑޫ ސިޓީއަށް ނިސްބަތްވާ ގިނަ މެމްބަރުންގެ ތާއީދު އޮތީވެސް ފައްޟަށެވެ. ފައްޔާޟާއި އިންތިގެ ޓީމުންވެސް ގެންދަނީ ކެމްޕެއިންގައި އައްޑޫ ސިޓީގެ އެމްޑީޕީ މެމްބަރުންގެ ގޭގެއަށް ގޮސް ކެމްޕެއިން ކުރަމުންނެވެ. މި ކެމްޕެއިންގައި އިންތިގެ ޓީމުން ދަނީ އައްޑޫގެ އެމްޑީޕީ މެމްބަރުންނާއި ބައްދަލުކޮށް ހުރި ކަންބޮޑުވުންތައްވެސް އޮޅުން ފިލުވަމުންނެވެ.
Inthi migeh niaahas afirin votaa dheyney Inthi ah – Aailaa
Feydhoo Dhaairaa.#InthiAaEku⚖️ pic.twitter.com/YSnOZkXVlt— Nauty???? (@nautymatox) March 4, 2022
އެމްޑީޕީ ތެރޭގައި އިސްކޮށް މިވަގުތު ތިއްބެވި ގިނަ ބޭފުޅުންގެ ތާއީދު އޮތީ ފައްޔާޟަށެވެ. އެމްޑީޕީގެ މިހާރުގެ ޕީޖީ ލީޑަރު މުހައްމަދު އަސްލަމްގެ ތާއީދުވެސް އޮތީ ފައްޔާޒަށެވެ. އަސްލަމަކީވެސް އައްޑޫ އަށް ނިސްބަތްވާ ބޭފުޅެކެވެ.
ޕާރޓީ ހިންގުމުގައި މި ޕާރޓީގައި އަންހެނުންގެ ބަސް ބުނެވެން ޖެހޭނެ، އަޅުގަނޑުމެން މިތިބީ އެ މަސައްކަތް
ކުރަން ✌️✅@Roxeyna#MDPhingaalan pic.twitter.com/e3GLqVQkgg— kenereege thaureef (@thaureef) March 4, 2022
ރައީސް ޞާލިހާއިވެސް އަރިސް ބޭފުޅެއްކަމަށްވާ އަސްލަމް ފައްޔާޟަށް ތަޢީދުކުރަން ނިންމާ ކުރެއްވި ޓްވީޓްގައި ވިދާޅުވީ ފައްޔާޟަށް ތަޢީދުކުރަން ނިންމީ އެމްޑީޕީ ކުރިއަރުވައި ކާމިޔާބު ޕާޓީއަކަށް ހެދުމަށްޓަކައިކަމަށެވެ. މިނިސްޓަރ ފައްޔާޟްގެ ކިބައިގައި އެ ޤާބިލްކަމާއި ކެރުމާއި ހުނަރު އެބަހުރިކަމަށާއި، ފައްޔާޟަކީ ވަރުގަދަ ލީޑަރެއްކަން ސާބިތުކޮށްދީފައިވާކަމަށެވެ.
އަންނަ މަހުގެ 16ގައި ބާއްވާ އެމްޑީޕީގެ ޗެއަރޕާސަންގެ އިންތިޚާބުގެ ފޯރިގަދަވެ ވާދަވެރިކަން އިތުރުވެ، ދެ ފެކްޝަންގެ ބޭފުޅުން ގެންދަވަނީ ބަހުގެ ހޫނު ރައްދުތަކެއް ދެއްވަމުންނެވެ.
