ހުސްވެފައިވާ އެމްޑީޕީގެ އެކި މަޤާމުތަކަށް ކުރިމަލާފައިވާ ކެނޑިޑޭޓުންގެ ނަންތައް ތަރުތީބު ކޮށްފިއެވެ.
އެމް.ޑީ.ޕީ ޗެއަރ ޕާސަން، އަންހެނުންގެ ރޫހުގެ ރައީސާއި ނައިބު ރައީސް އަދި ޔޫތްވިންގްގެ ރައީސާއި ނައިބު ރައީސްގެ އިންތިޚާބަށް ކުރިމަތިލެއްވި ބޭފުޅުންގެ ނަންތައް ވަނީ ތަރުތީބުކޮށްފައެވެ. ނަންތައް ތަރުތީބު ކުރެވިފައިވަނީ އިންތިޚާބަށް ކުރިމަތި ލެއްވުމަށް ފޯމް ހުށަހެޅުއްވި ތަރުތީބުންކަމަށް އެމްޑީޕީން ބުނެފައިވެއެވެ.
އިންތިޚާބަކާއި ނުލައި އަންހެނުންގެ ރޫހުގެ ނައިބަކަށް ކުރިމަތިލި ފާތިމަތު ސަމީރު ހޮވިފައިވާއިރު، ޔޫތުވިންގ ނައިބު ރައީސް ކަމަށް ކުރިމަތިލި އަޙްމަދު މައިމޫނު މުޙައްމަދުވެސް ވަނީ ހޮވިފައެވެ. މިދެބޭފުޅުން ހޮވުނީ އިތުރު ކެނޑިޑޭޓަކު މިމަޤާމުތަކަށް ވާދަ ނުކުރުމުންނެވެ. ނަމަވެސް މި ދެކެނޑިޑޭޓުންނަށްވެސް ވޯޓުލާ ގޮތަށް ވަނީ ހަމަޖެހިފައެވެ.
ޗެއާރޕާސަންކަމަށް:
1. އިމްތިޔާޒު ފަހުމީ، އައިޑީ A096680 ،މ.އަފްޒާ، މާލެ
2. ފައްޔާޟް އިސްމާޢީލް، އައިޑީ A051313 ،މއ.ބޯގަންވިލާ، މާލެ
އަންހެނުންގެ ރޫޙް ރައީސާ ކަމަށް:
1. ޞަފާތު އަޙްމަދު ޒާހިރު ، އައިޑީ A147414 ،ހުޅުމާލެ ގޯތި 10228، މާލެ
2. ރޮޒެއިނާ އާދަމް ، އައިޑީ A046083 ،ގ.ފީރޯޒް ލޮޖް، މާލެ
އަންހެނުންގެ ރޫޙް ނައިބު ރައީސާ ކަމަށް:
1. ފާޠިމަތު ސަމީރު، އައިޑީ A065571 ،ފުލްމޫން، ށ.މިލަންދޫ
ޔޫތުވިންގ ރައީސް ކަމަށް:
1. މުޙައްމަދު އަންސާރު، އައިޑީ A278426 ،ހެޕީޑްރީމް، ސ.ހުޅުދޫ
2. ރިފްޤާ ޝިޔާމް، އައިޑީ A160198 ، ހ. ވައިފިނި، މާލެ
ޔޫތުވިންގ ނައިބު ރައީސް ކަމަށް:
1. އަޙްމަދު މައިމޫނު މުޙައްމަދު، އައިޑީ A301406 ،މީޒާން، ގއ.ކޮލަމާފުށި
މިިއިންތިޚާބުތަކުގެ ތެރެއިން އެންމެ ބޮޑު ވާދަވެރިކަމެއް އޮތީ އެމްޑީޕީގެ ޗެއާޕާސަންގެ އިންތިޚާބުގައެވެ. އެމްޑީޕީގެ ޗެއާޕާސަންގެ މަޤާމަށް ވާދަކުރައްވާ އިކޮނޮމިކް މިނިސްޓަރ ފައްޔާޟް އިސްމާޢީލާއި، މާފަންނު އުތުރު ދާއިރާގެ މެންބަރު އިމްތިޔާޒް ފަހުމީގެ ކެމްޕެއިން ވަރަށް ފޯރީގައި ކުރަމުންދާއިރު، މިދެބޭފުޅުންނަށް ތާއީދު ކުރާ މީހުންގެ މެދުގައި ދަނީ ހޫނު ބަހުގެ ހަމަލާތައްވެސް ބަދަލު ކުރެވެމުންނެވެ.
ޗެއާޕާސަންގެ އިންތިޚާބުގެ އިތުރުން އަންހެނުންގެ ރޫހުގެ ރައީސާގެ އިންތިޚާބުވެސް ފޯރިގަދަވާނެކަމަށެވެ. މިއިންތިޚާބުގައިވެސް ވާދަކުރާ ދެކެނޑިޑޭޓުންގެ މެދުގައި ދަނީ ވާދަވެރި ކެމްޕެއިނެއް ކުރެވެމުންނެވެ.
އެމްޑީޕީގެ ޗެއަރޕާސަންގެ އިންތިޚާބާއި، އަންހެނުންގެ ރޫހާއި ޒުވާނުންގެ ހިތްވަރުގެ އިންތިޚާބު އޮންނާނީ އަންނަ އޭޕްރީލް މަހުގެ 16ވަނަ ދުވަހުއެވެ.
